有關考筆試問題

1) 一報咗名就會有一張考筆試日期既信,

同一張臨時駕駛執照, 有臨時駕駛執照就可以即刻搵師傅學車,

唔使考筆試都得, 我個仔都學緊。

2) 如果pass咗筆試, 佢哋會即刻畀個考路試日期你, 仲有封信, 係考試

果日要帶既。

3) 報筆試果日佢哋會畀埋「道路使用者手則」你,

但係如果要試題就要畀錢買, 25元一本。

2008-03-24 11:27:48 補充：
佢哋仲會畀埋全香港教車師傅既名單同電話你添。

2008-03-28 19:23:38 補充：
4) 樓下果位會唔會記錯咗呢? 點會由師傅決定考邊條路呀?

咁咪個個師傅都揀哂D好考既路? 係完筆試如果合格,

就會即時有封信, 畀埋考路師日期同路線, 冇得揀架。

5) 你可以淨係考筆試先, 但係你個臨時駕駛執照有限期架嘛,

你如果唔喺限期考埋路試, 咪要再畀錢續期考路試囉。

2008-03-28 19:23:47 補充：
6) 筆試有冇得改期真係唔知, 不過可以畀個電話你問,

2670 2908新華行, 佢哋專幫人去運輸署攪各樣手續, 一定知既, 仲好樂意答你添。

你話筆試難唔難睇人架咋, 我個仔冇讀都PASS, 我阿嫂唔識睇中文字又PASS,

但係我個伙記喺番工時間乜都唔做喺度溫習都肥佬,

問20題只可以錯最多4題, 唔使背答案既, 每題睇明白個道理,

就答到架喇, 你第時渣車都冇可能背住D答案嚟渣啦, 明白係最緊要既。

1.你一定要筆試(西九考)pass左 佢先會比將學神牌你 你先可以掂架真車 其實考筆試 你夠18歲前3個月可以報 一pass 再夠18 即刻可以學車

2.你筆試pass左 冇限幾耐 你可以拖一年半載再慢慢學

3.你報名果陣 應該送埋比你 如果唔係就有得即場買 呢個我唔太清楚 因為我係報香港駕駛學院 佢係再送多本精華集比我

4.考咩路線 應該係師父決定

5.你係可以淨考筆試先 因為路試 好難就返d時間

6.筆試應該係冇得改期既

其實考筆試就唔難 可以話易 有d人就唔溫就以為自己可以pass 結果大部份都要比多五舊幾水黎多次 浪費錢同時間(我個fd唔溫肥左三次唔再考) 溫書 要多睇icon 因為好多icon你係未見過 有d又好相似 最緊要係 本野 你同我出世果年印既 2000年先更新左一次 而家08年 有d問題有冇更新到就唔知喇 我就建議你多溫第五，六，八章 呢三章接近出最多 唔係其他唔使溫 係呢三章 我覺得凸別多 始終20題錯幾題 一定要溫書 我就早一個月先考完筆試 好似錯左1題 話易唔易 話難唔難啦 岩岩先定左5月考路試
順帶一提 你筆試pass左 學緊車 我就建議你一日學一個鐘/個半鐘好喇 可能你有返工返學 要就時間去學 但係一日學兩個鐘 多數都係吸收唔到 所以唔好因為貪快 一日學n個鐘 一日學一個鐘就夠(個人認為足夠)

其實睇你個牌要黎做咩啦 你應該都係考輕型貨車 除非搵食或者屋企有 如果唔係凸登買架車 平平地 立立雜雜加埋都兩皮野一架 淨係放假渣 用黎溝下女 我覺得就唔抵
我考牌因為等定三年牌黎考重型貨車呢d 我都係18 等埋夠21
好話唔好聽 細時唔讀書 考定個牌第時渣巴士又好 貨櫃車又好 擺定個牌係度 一定冇死