寄信/包裹

假如你張咭真係比一般信封大，你又怕喺郵寄時損壞到張咭嘅話，我建議你可以到各大文員店購買公文袋放張咭入落去，又或者買張雞皮紙嚟包好張咭，然後投寄。郵政局亦有售賣氣泡保護信封，價錢唔貴，你都可以考慮使用。
若果你係寄香港嘅話，係屬非標準郵件，而重量不超過 30 克係 HK$1.40，不超過 50克係 HK$2.20，不超過 100 克係 HK$3.00。如果你張咭係輕過 HK$3.00 郵資,而你係用咗 HK$3.00郵票去寄，當然係無問題啦，只不過你多付的郵資，香港郵政係唔會退番錢比你啫，咁即係你蝕底咗之嘛！
http://www.hongkongpost.com/chi/postage/inland/index.htm#letter

至於你問到：張咭可唔可以就咁放入郵筒而唔攞去郵局度寄？
唔係唔得，不過你要肯定張咭係可以放到入郵筒裡面，而你亦要注意到，當郵差收集郵筒信件嘅時候，你張咭係有可能會損壞或者屈摺的。
假如你擔心張咭喺投寄期間會受到損壞，我建議你可以使用大件郵件投寄箱(有部份商業區嘅街道會有，例如：中環、灣仔、旺角等等)。當然，你唔想收信人收到損壞嘅咭，最好都係花啲心機，喺辦公時間內到你就近嘅郵政局投寄吧！
http://www.hongkongpost.com/chi/postage/info/index.htm

體積限制



非捲狀郵件
最大：長寬厚合計以900毫米為限,其中最大的尺度不得超逾600毫米,最小：90毫米 X 140毫米
最小：90毫米 X 140毫米

假如你仲有唔明白嘅，你可以查閱香港郵政嘅網址：http://www.hongkongpost.com/chi/index.htm
又或者喺辦公時間內到你就近嘅郵政局查詢。