點解社會注重女人會老, 又唔話男人會老?

我身邊都有d咁嘅人,覺得有幾個因素造成嘅.
1.自信心唔夠....男性一般愛吹虛(我相信亦有例外嘅),唔忍自己老,咁就轉移下大家視線,講下女人囉,心智唔成熟嘅男性最易係咁,我工作間裡,有些年長嘅前輩,佢地好有智慧,解決事情能力好高,佢地都唔會成日講三十過後d女人點樣,相比之下,我覺得佢地係心智與年齡不相符.
2.我同事嘅桌面有好多青春少女嘅性感照片,係佢地個世界,女人係後生至有吸引力,呢d係性幻想,幼稚行為,亦係男性嘅一種天性,通常...如果透過德育課程,係可以了解成長的真實內涵,不過好可惜,係學校教育中,呢方面超缺乏....我有個社工朋友,多年前同我講過,我一直都記得好清楚...就係做你合符你年齡應做嘅事,唔好逃避年齡增長,唔好聚焦係外長,亦唔好對人評頭論足,我覺得佢教得我好好...........我唸d男性要好好上呢種堂哪...
3.好多人都缺乏正確的人生觀,我幾年前有個男同事,佢成日去挑逗年輕女同事,把口好衰,將年長的女同事作比較,我同佢傾談時,原來佢害怕老,話自己快35歲,不知如何是好,對年輕女同事有幻想,因為講佢地,入佢地圈子,會令自己感到年輕d,所以係自大嘅肯後,一方面係無自知之明,另一方面係自卑嘅反射.
健康成長係一生重要嘅課程,我好慶幸係讀書時,老師比左好好嘅教育我.令我有左保護,我睇到好多男性女性都會有呢種毛病,佢地亦希同我分享內心深處其實充滿恐懼,老係一種過程,而且時間好長,係呢個階段,人會好易迷失自己,做出好多不當行為.
因為社工的影響,我後來去左讀輔導,係現實生活中,見到好多呢類人.佢地社交能力極差,因為想與年輕異性結交,可以嘅,發展下婚外情來剌激下,不可以嘅.享受下青春氣息亦無妨,不過我眼見呢類同事往往不受歡迎.

你拎劉德華,譚校長比下一d40,50歲既女人就一清二楚啦!!

呢種情況喺香港最多, 男人越老, 就話越成熟, 女人越老,

就越俾人睇唔起, 因為社會上都係女多男小, 男人可以搵

個細自己廿三十年既女仔, 都無所謂, 但女仔大男仔一兩

年, 就好似好大件事咁! 呢D係男女唔公平, 及對女性做成

歧視, 尤其而家大陸咁多女仔, 她們唔會覺得男人老, 只係

揀佢有無事業? 有無成就? 有無錢? 話之果D男人個個光頭

同大肚腩, 最重要係為生存, 為舒適, 為有得到港, 幾差條件

既男人都有女人吼, 佢哋又點會自卑呢! 其實~ 香港女性已

是比實際年齡後生得多, 又懂得打扮和保養, 很多四十幾歲,

睇上去都係似三十左右, 比起世界各地D外國女人, 因為氣侯

問題, 佢哋一到廿五就已經無嘢睇啦..! 上到三四十仲唔使講,

所以 ~ 香港女人得天獨厚, 只係香港男人有太多選擇啫!