倉鼠 - 懷疑有病

A.皮膚病係傳染病,一定要獨立飼養
如果甩毛甩到見肉,冇其他病徵,咁就可能係皮膚病了,皮膚病好少會致命既,唔洗太擔心,但都要留意下有D情況都會甩毛:
1)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
2)檢查一下甩毛既地方會唔會生粒粒,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先

你一隻鼠已經有問題,第隻鼠同佢一齊住好易都會有埋皮膚病,可能係傳染,但都可以係其他因素,可以留意返以下既問題:
1)衛生問題
會唔會係個籠既衛生做得唔好呢?多d打掃個籠同鼠鼠既用品,保持乾爽清潔,平日間中可以用動物專用既消毒劑同鼠鼠既用品消毒
當鼠鼠患病時,要多d用動物專用既消毒劑同鼠鼠既用品消毒多d,嚴重既2,3日要消毒,唔係太嚴重就可以耐少少.呢d排泄物既細菌,好易令鼠鼠既皮膚受到真菌既感染
就算分籠之後,都要將兩隻鼠既用品分開d,唔好混埋一齊洗

2)食物問題
留意返食物會唔會有寄生物,有冇俾鼠糧or草以外既食物俾鼠鼠食

3)同住問題
鼠鼠係獨居動物,兩隻鼠一齊住好易會感到壓力or受驚,受驚有機會誘發甩毛肚瀉等疾病,而且鼠鼠易會打交,所以鼠鼠最好就係一籠一鼠

4)避免二手煙
如果鼠鼠食得二手煙多,係會較大機會生皮膚癌

B.唔知BOOK左幾時去睇醫生呢?其實可以帶埋第2隻鼠去睇,唔帶既話可以同鼠鼠噴皮膚病藥水既,有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,會唔會有寄生物,有時有既話未必咁易睇到,呢d寄生物都會令鼠鼠甩毛既
3)有皮膚病就要保持個籠乾爽清潔
4)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
5)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
6)唔好用有色or有味既木糠,因為呢d都好易令鼠鼠皮膚敏感,敏感嚴重起唻係會致命既
7)當然可以直接帶佢睇醫生啦. .睇醫生既話可以考慮一下:
大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/

C.另外,就算鼠鼠好返晒之後,希望你都會考慮將佢地永遠分籠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
4)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2008-03-23 21:38:57 補充：
睇漏左問題,唔好意思
如果唔係皮膚病而用左外用皮膚藥水當然唔好啦,咁反而有機會令鼠鼠甩毛,因為藥水連鼠鼠身上好既野都殺埋,抵抗力反而會下降

我曾經都有兩隻鼠鼠，其中一隻都有同你果隻一樣的情況，當時我都不知道牠發生了什麼事。所以我都幫牠塗一些皮膚藥。最後牠的病好了，亦沒有什麼副作用，所以你不用擔心。

從你的描述和表面情況推算，脫毛的鼠鼠也可能染了病，但不要太擔心，小心照護便是，因為鼠鼠有天生的抵抗力。
致於你用藥水抹牠，不要抹得太多。此外，若鼠鼠真的沒有染病，也不用擔心抹藥後的反應；試想想如果你的手指沒皮膚痛，但你抹了一些藥水在手指上是沒有問題的；或另一例子，右手生了皮膚病，用左手替右手抹藥水，右手的皮膚病慢慢痊癒，而左手是沒有副作用出現的，除非對藥水有敏感，則另計。你有否經歷這樣的經驗呢。