由於現時大股災,恒指及國企指的市盈率各幾多倍?

肯定仲有排跌..
現時策略最好set 一個較低位
再考慮(止洩) or (溝淡)
$ 多就溝淡

因為呢幾日假期，細心地學人做圖形分析，得出來的結果實在令人驚惶不安，總括有以下數點：
一)今次熊市，估計恆指的終極低位在12000附近，約為31900下調60%，真係嚇死，有冇世界末日感覺？並且不排除會穿埋12000，不過就唔會久留。值得注意是，因為熊市已有五年時間冇同大家見面，所以佢今次一定會為大家帶來一個極具震撼性低位。
二)終極低位的出現時間推遲至09年第一季。所以，之前所講的08年第四季開始買入股票取消。並支持天眼通兄早前所說，08年不買股票。
三)恆指跌到13000附近或以下開始掃入實力指數股。
四)事實上，上一個牛市，其實已經升幾年，23000至24000應作為峰頂睇。因為「直通車」而嚴重透支8000至9000點出來，令大家見到了31900。因此估計在五年時間之內，都不能重見31900。
五)取消之前大形反彈的言論。有位未跌夠兄說，跌到16000才會有大形反彈，他所說的，就算唔命中都唔會相差好遠。而現在只能建議，寧可賺少次，都不參與任何的反彈，錢至上。期間唔反對買Put，但亦只宜小注。
六)如果13000或以下買到股票，會開心又會唔開心。開心是價錢非常平，例如2628唔使＄10就買到。唔開心是，即如上述第四項所講，有好多股價可能要付出七、八年或以上的時間，先有機會重見上一個高位。所以於13000附近或以下掃貨時一定要掃入那些預期會跟得上或跑贏大市的實力股。
七)如恆指跌到落12000時，不妨買入兩手2800，作為記念兼投資。因為預期大市再次往上開進之時，該低位將會成為歷史的一部份，從此消失。
以上為個人對大市的新睇法，大膽講句計得唔準，都唔會相差好遠。睇就當為見過一，而有所警惕吧！