日本大阪, 京都一人自遊行

我都係一個星期前去完呢2度地方返黎! 如果你有時間多~我見意你oo係京都住一晚! 因為大阪去京都車費都幾貴!

我剛剛去左京都既: 抵園/八板神舍/嵯峨野坐小火車去龜岡 (金/銀寺都冇去到)

1) 我由JR難波站去JR京都站要890yen (車程:45分鐘), 之後再轉巴士(200yen一程) 去抵園 (巴士係有one-day-pass 500yen 一日) 雖然我都有買, 不過個人覺得一個境點都夠你行! 而且抵園同八板神舍好近, 一直行, 成條街都有野買!所以唔買one-day-pass都可! 你亦都可以o係梅田站坐地鐵去到既, 不過時間會耐d(50-55分鐘左右), 去完抵園,千其唔好搭返回頭車去JR京都站~我就出事, 坐左一個鐘~天都黑! 見意你回程坐地鐵

2) 嵯峨野坐小火車: 你可以係大阪梅田坐地鐵去到嵯峨野站, 嵯峨野行去搭小火車沿途有d寺既, 最出名係渡月橋, 不過個人覺得冇特別, 只係兩邊行人路, 中間係行車咁!小火車(600yen 一程)你要坐第5卡, 因為得呢卡係露天, 仲要睇你咩時候去, 如果係櫻花期, 要做d去買飛~ 因為第5卡冇得預售家~ 果度d售票員好好人, 我地改左幾次飛~佢都好好笑容! 你搭到去龜岡, 可以坐激流(約hk$百幾蚊)or地鐵返京都站附近既!
(留意京都巴士有分3隻, 1: 200yen 循環線, 2: 貴少少既! 3: 去郊區地方-嵯峨野(one-day-pass唔用得, 要補過差價既) 你買本書睇下! 佢有話你知!

3) 大阪唔知你鍾意shopping or 食野多d! 我自己係for食多, 所以住心齋橋cross hotel, 一落酒店,成條食街! 多到你唔知食咩! 不過搭車就唔方便, 因為好多地方都要去梅田轉車先去到既~ 由心齋橋搭去梅田都要成HK$14, 所以如果你係shopping 多! 見意你住梅田, 因為佢真係交通中心點~ 多數鐵路車都要係佢果度搭, 可以幫你慳d旅費去買多d野!嘻!
(你要留意大阪都有one-day-pass買, 星期五抵d, 600yen一個, 不過因為大阪多不同鐵路公司, 所以你買既時候要問下佢邊d地方係唔可以用, 基本上附近d站都ok既, 同埋你搭既時候睇下可唔可以就到搭急行車, 因為佢只係停大站, 可以慳唔少時間家)

4) 大阪係美食天堂, 咩都好食, 不過要留意, d天書好鐘意介紹一間叫 "自由軒"食咖哩飯家~係心齋橋(道遁堀),不過我食左一次~ 唔係咁好食~ 佢d咖哩係偏辣既! 仲有天王寺動物園唔好去囉! 冇咩野睇~ 仲要比500yen入場費~ 一d都唔值! 環球影城好正呀! 要去~ 由梅田去都係740yen車費, 仲要15分鐘左右到, 幾好!!

如果你仲有咩想問! 你可以send e-mail問我既~ 因為我岩岩返~ 都仲記得d~ 希望幫到你啦

2008-03-25 15:20:48 補充：
抵園同八板神舍係好近, 不過一直行, 成條街都有野買係去清水寺! 叫二,三年板

Kyoto you can stay Kyoto Dai-ichi hotel, near Kyoto JR station, you can take bus for sight seeing at the bus stop next to the hotel.
Osaka I also recommended Osaka Dai-ichi hotel. near Osaka JR station, you can the underground and JR easier.

2008-03-27 13:05:57 補充：
信三郎帆布位於東大路通,近知恩院. 可從京都駅乘坐206巴士往祇園方向,在東山三條站下車

你可以o係以下website 搵到你想要o既資料

http://hk.geocities.com/me_cmk2/database2.html

http://www.backpackers.com.tw/forum/forumdisplay.php?f=55

http://www.e-japannavi.com/syuyu/index.shtml

http://www.kippo.or.jp/index_t.asp