請問如果我手頭上乜儀器都無, 可以點樣知道是否有人在室內裝了偷聽器

樓主問左一個好問題。據我所知，由於依家啲偷聽器可以做得好細，所以除非用好專門既儀器，否則我地無辦法完全肯定有無被人裝偷聽器，但其實都有啲計仔搵佢地出黎。

由於偷聽器要偷聽人講野，所以裝既地方一定要有以下既特徵﹕第一要近多人出入既地方，唔係偷聽啲咩﹖但由於唔可以比人發現，所以近得黎又要搵地方隱藏，通常會係一啲係廳同房成日出現既電器同傢俱背面，最熱門既係電話、掛牆鐘、鬧鐘、掛畫、吊燈、大櫃、甚至重有西裝褸同裇衫既袋入面。電話值得講多啲，因為將偷聽器裝係電話聽筒入面可以直接勾線，呢啲係有左幾十年既科技。所以check下以上既傢具有無比人夾硬打開過既痕跡然後細心搵就應該可以搵到偷聽器，唔一定要用強力磁石。

但其實最危險既唔係比人係室內偷聽，因為防呢啲唔係咁難，最難防既係比人截聽你既無線電通訊，例如手提電話、藍芽、Wi-Fi等。除非你將所有無線電通訊加密，否則你完全無辦法阻止人偷聽，而且即使加密左都未必安全，因為隨時有人會解密成功。對於一般人黎講，其實只要注意係用無線電網絡時加密就可以，唔需要太擔心。

應該無可能會知道有偷聽器之存在。強力磁石，如果放近偷聽器，都可干擾偷聽器，但不代表可找出偷聽器。而且偷聽亦並不限於室內，就算是室外，衹要能看到你之單位，或在牆外，都可使用雷達來偷聽。所以對於偷聽，可以說是防不勝防，因此不如製造多些聲浪，干擾偷聽之人士。