練鋼 琴的方法

首先一首歌學五堂的原因也有可能係:

1) 首歌篇幅較長, 需要cut開幾部份幾堂去學, 方便你去handle
2) 老師的要求較高, 佢想你學 + 彈到首歌一些較detail技巧, 例如音色的變化

另外你亦都要檢討自己的練習方法, 因為我眼見有很多人很努力地去練琴, 但是方法錯了

練琴方法應該係:
1) 第一次練的時候, 應該先以慢速, 去摸熟手位琴鍵位, 連這一步都感到困難時, 應該先分開手練, 之後再慢慢夾熟首歌的型態

2) 對於一些較困難 / 棘手部份, 應該獨立將這部份抽出來反覆練多幾次, 通常是以一個小節作單位, 練到流暢時再將這部份的前後一小節 / 整個樂句再夾, 直到這個樂句可以很流暢地彈到最少三次為止

3) 練的時候, 多d用耳仔聆聽自己的彈奏效果, 因為通常彈錯的地方會聽到不協調感覺

4) 如果是覺得自己拍子有問題時, 最好用拍子機輔助, 先自己用口唱一次 (音唔需太準確, 只需要大概音型, 最緊要係拍子準確), 之後先至用手彈一次

5) 練的時候不可以太心急, 諗住要彈到音樂家效果, 往往係適得其反; 應該要按步就班

6) 想練睇琴譜快d, 就要主動一d囉一d你未彈過的琴譜去彈, 你可以搵d淺一d琴譜先著手, 因為sight-reading能力一定係靠自己練番o黎

7) 練習時間當然多多益善~~~~ : )
以你二級程度計, 其實一星期總練習時數最少要有三個鐘頭

8) 既然你當初學琴的動機是自娛, 就唔好俾太多壓力俾自己, 更加唔好同人比較, 彈的時候最好想像一下你要彈的歌曲的美麗畫面~~~~ : )

努力~~~