究竟佢(女)係咪中意左我(女)? [有點長...]

開左學幾日之後，就俾個女仔發現左我似男仔，佢特別留意我ｇｅ眼神、側面同身形，其實我之前都俾人講過我似男仔（特別係側面好靚仔），所以都知道呢個係事實，佢同ｄ　ｆｄ就不斷講我啦（持續了半年）ｐｓ：佢係好女人果種（長頭髮），我係短頭髮

以下有幾個情況，唔該大家同我分析下佢(女)係咪中意我(女)：

１．考試時佢坐我後面不斷同我講”加油”，講左５、６次〔又唔見佢同其他人講〕

２．有次落禮堂聽講座，佢坐我前一排左幾個位，個講座好似教人追女仔咁，當講到男方直接同女方講”我愛你”時佢突然拎過黎望左我幾秒之後拎番過去，我當時扮睇唔到，但個心好緊張，佢個ｆｄ問佢中意佢（我）ｄ乜，佢答”側面”

３．有次去完ｔｏｉｌｅｔ見佢條裙摺起左，我提佢，佢整好後同我講”唔該晒你阿””抵鍚””鍚啖你下”＜－－講左兩次，跟住我話唔洗喇，佢先冇講

４．有次我趴低左ｏ係張ｔａｂｌｅ度，佢過黎嗌我起身講左ｄ無聊野，之後我見有條頭髮黏住我手臂，我同佢講，佢叫我拎去過膠、留念。第二日，佢問番我有冇將條頭髮過膠，我話ｄｕｍ左（其實ｋｅｅｐ住），佢話”做乜ｄｕｍ阿．我特登送俾你架．訂情信物黎架”〔我呆了〕

５．有次落禮堂睇書展，我同個ｆｄ睇緊書，佢同緊個ｆｄ傾計，佢個ｆｄ問佢”咁你中意邊個？”（我諗應該係之前問左個，佢話唔中意）我眼尾望到佢望左我幾秒，之後同個ｆｄ笑

６．有兩日我諗住避開佢所以同其他人講野而唔同佢講野（因為我唔想佢地再講，我想變番正常！我之前係中意過男仔ｇｅ，只係由中三開始俾人講我靚仔，所以心態變左，好似變左雙性戀，只要邊個對我好／有ｆｅｅｌ我就中意），跟住佢同我講野我唔出聲淨係點頭／搖頭，佢問我係咪唔舒服，我同其他人講野之後聽到佢同人講佢好想喊（唔知係咪見我同其他人講野而唔同佢講野），又聽到佢同人講話”我真係中意左佢”

７．之後我唔忍心咁對佢（因為我都中意佢，我驚之後會失去佢會後悔，所以照番平時咁同佢講野），有次聽到佢話”如果佢係仔，我有可能同佢一齊”

８．佢之前唔知我有望佢，佢個ｆｄ話”但我見佢成日望住你”（之後佢開始知我有望佢，其實佢都成日望我），佢唔知同個ｆｄ講咩，個ｆｄ話”咁你問下佢囉”，佢好似好害羞咁話”點問喎”。　　聽到幾次佢同其他人講話”愛上佢””我唔知點解好愛佢””好想鍚佢”，佢同個ｆｄ講話”我愛你”（可能當個ｆｄ係我，練習），佢同個ｆｄ講話望住我好想笑〔我諗係你中意一個人先會咁掛〕

９．佢問個ｆｄ之前有冇見過ｄ咁靚仔ｇｅ女仔，佢個ｆｄ話冇，佢覺得好新奇





＊唔知大家點睇，但我相信佢係中意我（只係唔敢講同埋唔肯定我係咪中意佢），其實我係中意佢（我見佢同其他人玩〔特別係男仔〕我會好呷醋、唔中意、唔開心；成日想見到佢，諗好左同佢講咩，但見到佢又講不出聲，唔想講得太露骨。

究竟我應唔應該同佢表白？我驚唔講會後悔，講左又驚其他人知，我係咪應該做得明顯ｄ我中意佢？