洗完面會甩皮，問題出係邊？

洗完面甩皮原因有好幾個︰一、你用o既洗面gel太乾，唔適合你； 二、未做好保濕；三、面上角質層太厚。
每次用同一支洗面gel都會甩皮，我諗你要轉用第二隻洗面喇。用洗面奶或者一o的較保濕o既洗面乳會較適合。
每次洗完面之後，應該立刻搽日霜/晚霜，避免水份流失。只搽爽膚水係唔足夠，而且唔係每隻爽膚水都有保濕成份，有o的收縮毛孔或控油o既爽膚水會令皮膚更乾。就算用左有保濕成份o既爽膚水，都要立刻搽日霜/晚霜鎖水，因為爽膚水會隨著空氣蒸發，當蒸發o既時候，會帶埋皮膚上o既水份蒸發，令皮膚更乾，所以搽日霜/晚霜係好重要。
如果已經做好保濕，但係都依然甩皮，咁就可能係角質層太厚。可以每星期敷一、兩次去角質o既mask，皮膚甩皮o既現象就會少左，而且變得明亮。
至於嘴唇乾燥可以自己做個唇mask就得喇，做法好簡單，先係嘴上搽上一層好厚o既潤唇膏，然後用保鮮紙封住個嘴，十分鐘後撕去保鮮紙，再抹去多餘o既潤唇膏就得喇。