輔警的投考制度係咪好荒謬？

我係一個申請唔到輔警的人，我話俾你地知點解我申請唔到啦：
我的資歷又係中五畢業，又有一份全職做緊，
我成日睇到廣告話請輔警，於是特登去投考啦，
去到既時候，D阿SIR首先叫我填張FORM，
然後佢地就叫我除鞋度高磅重，同埋做視力測試，
就係喺視力測試果PART衰左，明知道我有成六百幾度近視，
需要長期戴住眼鏡，佢地都仲貼左張紙（立左條例）出黎話：
「必定要除下眼鏡或者隠形眼鏡做測試，要試下睇唔睇到六個英文字，如果喺六個字之中，睇唔到五個或以上就不合格」
我梗係六個字到睇唔到啦，測試完後，阿SIR仲話：「等你改善左個視力問題先好去投考啦！」
我當時心諗：「唔通要我花一大筆錢，去做激光矯視醫好左對眼先至再可以考過咩？考輔警0者，又唔係考消防員，駛唔駛咁變態呀，佢地果邊D阿SIR、MADAM都戴眼鏡啦，唔通佢地可以走法律罅？」

我想知：你地在座咁多位網友，有邊位係申請過輔警，但因為係視力測試肥佬而俾人FOUL左；又或者係而家做緊輔警，想請你地為我討回公道，解釋清楚，答得好20分。