關於在美國留學!!!

有冇人知道西雅圖果邊d 野貴唔貴, 例如普通一個留學生, 唔大洗ge, 咁大概會用到幾多生活費, 因為我想盡量減輕對屋企ge負擔, 會去搵d part-time做, 以支付自己ge生活費...

仲有, 我而家係會去住host family, 一個月大約us$ 4xx 到, 應該係包3餐...????
如果同d同學一齊搬出去住, 係咪會平d...但自己煮食果度又會唔會用好多$, 變相貴過住host...

----->我唔係o係西雅圖o個邊讀，所以都唔係太清楚o個邊o既生活指數。不過就以我呢邊(亞利桑那州)為例，比較起東岸、西岸，生活費唔算太貴。
　　
首先住o個方面，房租視乎地理位置而不同。一個apartmento既房租，近大學o既話大概us$600-800以上(都有平o的o既)，遠少少o既可能會平的。住house 又近大學o既話，就大概係$1200以上，唔排除有平o的o既。西雅圖係大城市可能仲會貴o的。一開始最好呢就係 透過學校幫你搵。一個人租住o既話會有多o的私人空間，不過貴o的。合租o既話錢通常係有幾個人就除開幾多o黎分擔，多數2個人; 假如你住master room o既話，就多數要俾多o的，因為有私人洗手間。你亦都可去搵睇o下有無人搵緊roomate，房租由對方決定，你可以同佢商量。至於host family 方面呢...要睇你好唔好彩，搵到o個好o既定係壞o既host family。3餐包唔包係睇佢點講。佢話有就有，無就你睇o下可唔可以加o的錢，要佢煮埋你o個份。但係話就咁講，佢如果一個月每日都只係煮potato o既話，你係唔係真係每日都食先? 重有要小心睇o下佢o既限制，無理o既話就要同佢傾好先至下決定。你永遠唔知道呢個世界有幾多怪人。同人合租o既話唔會話貴得過host family好多，不過假如你真係想體驗美國生活o既話，host 　family係唔錯o既選擇，只係大大小小o既問題一定會有。

食o個方面，呢度唔似香港，出去食都幾貴(對番港紙)。一餐平均us　　$6-9，最少都要us$4.5度，唔計tax 同tip(o係美國咩都要計tax; 餐廳食飯比tip 侍應，因為tip 係佢o地收入o既一部分)。所以最好就自己買餸番屋企煮o黎食。

交通方面，住得近可以步行or踩單車。我諗西雅圖o個邊o既公共交通工具會發達過我呢邊，所以可能唔需要揸車。o個邊o既車資我唔肯定，不過你可能可以有學生優惠，會save o左一o的。


咁我li d係讀 副學士transfer 果d , 可唔可以做野ga, 又有幾多留學生會出去做野, 即唔係校內合果d,

----->去美國full time 讀書o既都係攞 F-1 visa 多。F-1 學生係唔可以o係校外搵工o既，係非法。你可以試o下o係學校裡面睇o下有無department or office 請人，然後去問佢o地請唔請國際學生; 機會係有不過唔多。事實上，呢度有好多人都會o係校外打黑工，好普遍，只係睇o下你有無膽去試。

下面仲有...

2008-03-25 02:16:07 補充：
其實我已經考左8級鋼琴, 可唔可以去教琴, 好似在hk人咁當part-time
我使唔使帶埋張cert黎usa, 有冇d咩係需要用到li d課外活動 ge cert ga...?

-----> 無話唔可以o家! 不過都算係非法o既，因為involve 錢。但係只要你搵到，唔四周圍同人講，應該都唔會有人理你。o的cert帶o左都好o既，總會有用到o既時候。

2008-03-25 02:26:05 補充：
仲有, 我而家係會去住host family, 一個月大約us$ 4xx 到, 應該係包3餐...????
如果同d同學一齊搬出去住, 係咪會平d...但自己煮食果度又會唔會用好多$, 變相貴過住host...

----->咁你就應該問你o既host family la! 你有無同佢o地傾o個電話呀? 住host family 係一個唔錯o既choice, 可以真正感受o下美國文化。不過，你個host family唔一定係美國人。因為我有o的朋友佢o地o既host family o係外國去美國o既人，o的英文仲差過佢。

2008-03-25 02:26:21 補充：
我自己都係住緊host family，不過我好好彩o個host mom係好好o既人，不過有時候都會有o的不滿，所以要學識去忍耐。總之你要小心，你似終係一個女仔，咩事都要小心提防(尤其有host father, brother 的話，始終佢o地係男人...美國呢邊有好多o既rape, sex assault)。強烈建議你先打個電話同佢o地溝通一o下，了解一o的佢o地o既事，同佢o的傾o下o的rule。

2008-03-25 02:33:48 補充：
除左學費.....頭一兩個月先會多d...?
我知在usa d 教科好貴.....在圖書館借ga...?
其實在生活上......經濟方面有咩突然野冇咩人可以幫到我...

----->如果你唔係自己租屋o既話，頭一個月都係買o下o的必需品咁，又可能係bus pass咁。書o既話唔認為你可以到圖書館去借。你可以試下o既，不過你唔通每個月都renew
o的書咩? 建議你可以買2手; 都可以試下上Amazon.com買2手，有risk，不過平過2手書店。生活費不外乎o個幾樣，食住行。「衣」你就自己control自己la! 仲有o的學校雜費咁lo!

2008-03-25 02:39:17 補充：
在衣服方面, 在hk買ge衫係咪去到.....我諗在usa要買童裝果d...

----->洗衫好快殘係個人、同埋件衫本身o既問題，唔會因為你o黎美國就有分別。放心la，除o左你自己之外無人會理你o的style o家! o的美國人見慣晒外國人，唔會理你o既。佢o地自己有o的人o既style都怪，仲有人會著睡衣(套裝o個種)番學...所以你諗太多la! 著自己覺得comfortable o既就得la!

2008-03-25 02:46:22 補充：
仲有副學士d科程係點ga, 因為我係中七畢業, 都知道d校園生活係完全唔同, 例如係點上堂, 係咪可以揀咩時間ge 堂上, 上堂使唔使帶書,

----->美國人上堂真幾free，好講個人o既自律性。帶唔帶書o係個人o既自由，老師唔會因為你唔帶書而罰你，不過上堂無書就有o的唔係幾好咁...你自己諗o下la! 假如係有幾個選擇o既話，當然係由你自己選同編排自己o既schedule la! 我就建議你早register，mark住o個位先，就算之後要改o既話，都好easy。但係要小心，有o的course 有prerequisis，要小心選擇。

2008-03-25 02:49:24 補充：
我要聲明，我o的info都係源自亞利桑那州 o既，所以你唔好忘記佢同西雅圖o既學制可能會有分別。

祝你好運la!! ^_^

基本上之前位人兄以經答得很詳盡,但我這只想補充一點:

- seattle 現時生活水平上升左,所以租金可能比較高,最好到 rent.com 或 craigslists 查下 (http://seattle.craigslist.org/)...


seattle 個唐人區唔係好大,不過果邊就有另一個地方有好多台灣商店,如你懂普通話的話,你可嘗試在那些地方找工作。

host family 方面,對人生路不熟的你而言,頭半年/一年跟host family 可算是最好不過,但此終是寄人籬下,還更重要的是你是女性,強烈建議到這邊後找其他學生分租apartment, 對你來說會是最安全。

洗費方面,相信每位女生也是注重儀容的,所以這個問題就留待你自己去解決啦~

如你想清楚知道有什麼雜項使費的話,我可以send一個我以前做既月結表給你過目~

祝 學業進步