私人樓，16年樓齡，算唔算大？

咁就要睇下你想買的,究竟係咩野樓,係單幢式物業還是大型屋苑.

如果係中,大型屋苑,好似美孚,黃埔,太古城等等,26年都唔驚,呢D樓, 一向都有價有市,第二時賣樓都唔驚無人接.

如果係單幢樓式小規模屋苑,咁你就要諗一諗,過多幾年之後,屋苑有可能開始要做維修,到時業主就可能需要夾錢.( 唔似大型屋苑,普遍大屋苑的維修基金都足夠俾維修費用,就算要夾錢,每戶都唔會太多 )

仲有,其實16年樓,我就唔覺得係太舊,始終新樓實用率及間隔一定唔及舊樓,呢個係舊樓可愛之處.

另外,舊樓管理費一般o黎講都會比新樓平( 單幢樓除外 ).

除非你好需要會所或平台花園等等設施啦,否則,16年樓,係一個可接受的樓齡.

純粹個人意見!

以現在一般的二手樓來說,
16年樓齡不算太大,
但你要預計自己會住幾年時間,
到時便有20年或以上的樓齡,
如果你到時想賣樓的話,
買家便可能因為樓齡大而壓價的,
加上樓齡大的樓宇,
部份維修費可能要每戶業主攤分的,
另外維修期間可能造成出入及治安等大問題,
所以如果經濟能力許可的話,
寧願買新樓或樓齡細的樓宇,
好過買樓齡有15年或以上的樓宇.

16年就唔算好大. 不過, 有時要比較下同區尺價. 簡單說, 如同區新樓是4,000蚊一尺, 你嗰層就3,800蚊一尺, 就當然要好好考慮下係咪重要買舊樓囉.