我想問廣華醫院生bb,要咩手續?(20分)

第一唔知你住邊區，因為你想o係廣華生，佢要睇你住邊區，未必收跨區孕婦。
第二要睇你有左幾多個月，懷孕期越短，收你機會越高，要愈早登記。
呢幾日紅假，你星期二(25/3)9:00後打:35172501廣華婦產科，佢會問清楚你資料，如你合資格會叫你帶齊證件去預約登記安排產前檢查。

2008-03-23 15:29:48 補充：
唔使去健康院，同埋健康院唔係話你要去就去，要預約o架。
你有普通科醫生發既懷孕証明信就ok喇。
聽我講星期二打電話去我比你果個電話啦，佢會教你點做。
我之前都係o係廣華生，都係攞住一般診所醫生發既信，起初都係打電話問，佢地check你住邊頭，有左幾耐，跟住約你幾時帶埋醫生証明及證件去。由第一次預約起，每次都會再約期安排你去產前檢查(我係o係番廣華做檢查，唔係去健康院)，同埋check其他野，至到你生為止。

首先你要到私家診所驗孕，（大約＄１００～＄２００）拎張醫生紙去你居住ｏ個區ｏ既公立醫院登記．私家醫生會同你計埋預旌期，如果佢無，健康院ｄ姑娘都會同你計～

登記後會叫你去健康院排期做產前檢查．（香港永久居民免費）
但政府的檢查就好普通，只係同你抽血，磅重，驗小便，所以你每次檢查都要帶個樽裝小便，我自己就用紙杯，方便ｄ．另外會ｏ係懷孕初期同你照一次３ｄ超聲波，只會度ｂｂ頭圍大小，唔會做其他野．

同時你都可以搵私家醫生ｃｈｅｃｋ住．收費有平有貴．
我上年懷孕４個月前睇ｏ個個係３ｄ，大約＄４００／次．
５個月後可以照到男定女就轉左去睇４ｄ，大約＄６００／次．
私家醫生會話你知男定女外，仲會幫你留意ｂｂ大小，有無兔唇，心臟＆胎水正唔正常．．．
懷孕７個月前都係兩個月先覆一次診，８個月開始就１個月一次．

好多人都係政府私家兩邊睇，雖然私家每次收費貴，但實際都係睇４～５次，而且可以ｃｈｅｃｋ晒所有野！

你過左呢幾日紅日可以打電話去問廣華，姑娘會問你住邊區，會叫你打電話去你所屬ｏ個區ｏ既醫院登記返．