貓貓得左怪病唔該大家幫幫我....

我隻貓2歲半..女..係細細隻既時候o係街到見到執番黎養既...一向良好健康
19-3-08夜晚我地重好似平時咁同佢玩一論先放佢入籠瞓教(一向既習慣黎)...點知到半夜突然聽到佢o係籠到撞黎撞去...我媽咪即刻想抱佢出黎...跟住見到佢隻腳卡住出唔到..之後佢自己夾硬整出黎就衝去我間房...媽咪即刻入去睇佢啦...點知見到佢4隻腳都流血...細心一睇d指甲唔見晒...我o係個籠周圍都執到佢d指甲...咁初初都冇事...
20-3-2008之後我地一早就帶佢去睇醫生...點知醫生話佢可能受到一d刺激先會咁...(但係成間屋都冇其他人得我, 媽咪同細妹)根本就唔會受到咩刺激...之後醫生同我地講話佢e+睇唔到野...因為拎電筒照佢都冇反應...(o係屋企佢都冇事嫁..可以慢慢行去我地房..周圍行)..醫生建議我地同佢照磁力共振…不過佢間舖冇呢部機要出太平道果間太平洋….不過腦科醫生放假…如果要真係睇既都要4點鐘…咁我地就同貓貓番屋企先…點知點幾鐘…貓貓突然走左去沙發底..我細妹想抱番佢出黎…佢一出黎就想跳上沙發…點知佢跳唔起趺番落地下就抽晒筋咁好辛苦咁look黎look去….咁我細妹就即刻抱佢去屋企附近既獸醫…點知去到見到佢冇晒呼吸條利同個咀都因為缺氧變成紫黑色, 醫生立即同佢插喉同幫佢打左一支強心針…之後佢醒番..我地就立即同佢去mk睇果個醫生….但去到醫生同佢抽左血睇…之後報告所以器官運作正常冇中毒, 唔係肝腎都冇衰竭…係紅血球高左少少..不過都唔會令到佢有以上我地見到既病症出現…醫生話佢得2個可能性1-- 可能因為神經係統出現問題 2--佢腦內有腫瘤..如果係1既救番既機率係70-80%..不過如果係2既救番既機會就好微….不過以佢E+既情況都唔適合做磁力共振…因為去到既時候佢都已經好差…怕佢接受唔到麻醉..可能一睡不醒….所以都冇辨法..只可以留院觀察….可以做既只係可以俾佢o係果度有人24小時睇住佢…佢E+吊緊鹽水同瞓緊氧氣箱…
21-3-2008
情況一樣…只可以微微咁郁到…不過都好辛苦…不過今日醫生同我地講…只有一樣野肯定既就係佢條頸痛….同嘛話佢可以神經會有轉差既機會….
唔該大家幫下我啦~~我真係唔知佢發生咩事…

出事既前一既我地重同佢玩得好開心….一D先兆都冇….我地都唔會帶佢去街…平時都係食乾糧..係有時加d濕糧俾佢…小食都好少俾佢食…因為佢有8磅…醫生話唔好太肥呢個磅數岩嫁喇~~

佢得2歲半咋…我重未同佢生活夠….佢重要陪我嫁…平時佢真係好乖…我做功課佢就會o係隔離陪我做到做完先番去瞓教….我真係唔想冇左佢……可唔可俾多d時間我地呀~~~