我想晒數碼相

你可以用幾乎任何儲存媒體攞你啲相俾晒相舖晒.
晒相舖係有電腦的,燒碟固然可以,其他例如記憶卡,USB手指等等,只要係可以俾電腦讀取到既媒體多數都冇問題.不過記憶卡或者USB手指等比較貴重,最好唔好留低,即場叫佢抄低啲相然後攞翻走,費事俾佢整壞.
一般3R或4R相平均一蚊張,有啲可以平到8毫,有啲可以貴到$1.4甚至$1.6.
晒相除咗攞相快唔快,價錢平唔平之外,仲要小心佢晒出來既質素.因為有不成文規定,晒相舖都會事先幫你執一執啲相先晒出來.有部份馬虎既店舖真係亂咁來,一味加光加銳利度,晒出來差到嚇死人.如果你自己識執最好自己執完叫佢直出唔好搞,否則的話先晒小小睇下佢地執得好唔好先好俾大量佢地晒.