有一年事係好急架,關於交往架

其實呢個世界既男人搵異性都不過乎為兩樣野....性或愛!
我覺得你宜家要睇既重點唔係你要咩藉口去拖,(雖然我唔太知ml點解,但大概估到係呢類野)..而係你要明白你地之間拍拖既目的,以及後果/影響等問題。

我仲係個中學男生黎,我阿sir成日叫我地唔好拍拖,因為男既係呢個時候拍一定係為左搞個女既,女既拍就係為左錢銀..我相信這是無可厚非。但係宜家你地都係uni,應該都識諗拍拖係為婚姻,係要講一世既啦,唔通你會諗住同佢玩完就算?

第一,你地識得得果個零月,佢就敢提出咁既要求,我覺得佢冇尊重你,佢好明顯係為左性而唔係愛~!
then,佢不斷咁煩住你哄你纏住你,所以就算俾你搵到個藉口果日唔使同佢做,你認為佢日後就會放棄?亦或始終是分手收場?
仲有,你地分過手既,好返後佢咁快就有咁既要求,很可能係有問題既~我個人認為佢咁做好大機會係想快d得到你既性之後..佢會拋棄你既機會很高!三思呀...

可能,你好仲意佢,唔想同佢分手之類...但係你咁樣就佢,就會有好結果咩?定係會出現於報章內既大肚被棄?...根據以上我既分晰,佢好明顯唔係一個信得個既人,咁易就可以分手,一個咁經唔起考驗既人會點睇愛情?真正既愛係不作無禮之事,凡事忍耐,包容,與真理為樂!~你真係認為佢就係你一生一世果個咩?定係你要繼續搵藉口俾佢機會同你糾纏落去?咁樣比你早d放棄佢更痛苦而又會幸福嗎?事後你唔單止唔排除會有生理上既影響,心理先至令人痛心疾首,,你日後仲會信人嗎?

講左咁多我認為你要做既係:
先去搵個你信得過既fd,等佢了解事件之後再 一齊 認真去
搵佢傾,同佢講你唔願意,佢若唔體恤唔明理,絕意要同你ml,咁你唯有去放棄佢,咁樣就算佢要哄返你你都有fd睇住唔易迴峰路轉....
一般我覺得佢會接受你,但係唔保證佢過一段日子就不會再施詭計攻擊你脆弱的心靈...所以你一定要學習保護自己,若佢經常煩你你就同佢一齊果陣搵埋fd黎做bulb..
總之你若冒冒然失身,日後必定痛定思痛,到時真係後悔莫及。所以定要三思而後行呀!!

講真...我身為後輩,又從來未有拍拖經驗,實在唔太應該多此一言 出口相助。不過,處於咁殘酷既現實世界當中,我就係依靠住幼時睇既童話故事,,,深信呢個世界有真愛,而沒有對自己,對世界放棄。
或者呢個係上天俾你或俾你地既考驗,以上我既極度個人意見只作你參考(雖然廢話連篇但我好認真去打ga),或者佢真係真心愛你都唔定,希望你能度過難關,日後能執子之手 與子偕老,真正enjoy life!

發展感情唔一定要性愛架...
而且你地仲未結緍, 直接同佢講唔做, 佢願意等既, 都可以再拍拖睇下點先, 佢唔願意就同佢分手啦, 無好結果的...
唔好繼續錯落去丫...