狗中風，我好心痛!希望有心人仕可以幫助我

首先你要冷靜，我家的狗曾發生類近情況，以下blog內我有詳細講這件事，亦有談到這類表徵的其他可能性，也有談到當時怎樣幫我這位「老友」，但有一件事是肯定的，找一位好醫生！

我隻狗都係十二歲, 早幾個月前發生過上述側頭加失禁事件, 仲係發生幾次!

首先你自己保持冷靜, 一手按牠們胸口, 另一手按摩小狗頭同眼部同頸週圍肌肉令佢放鬆.因為佢知你在身邊咁佢先會定, 並不停叫佢放鬆, 仲要同佢輕按鬆背部, 由側頭頸部位置開始按整條背骨, 跟住按鬆頸肩位, 再按至手掌及四肢, 可以的話有人幫手在按犘時加熱毛巾抹身體讓肌肉更好.

每次抽筋後牠們全身乏力, 病發後即刻拿水給牠飲, 亦可給小量食物進食(不要強行餵食), 抱著牠讓其安靜睡覺! (我隻小狗睡醒後行動自如)

記住要鎮定, 你越緊張牠們越害怕就不能放鬆肌肉.

患咁嚴重問題既狗....你要睇唔同既醫生去確定...
始終就算係睇開既醫生...佢都未必係樣樣叻...

可能醫下傷風、肚痾都仲可以既....
加上你既狗狗已經咁大年紀....或者你都需要有心理準備....
不論你有冇錢醫佢都好啦....陪佢最到最後...

這是重要過你俾最好既醫療佢!!!

如果講咁嚴重既...我都唔敢亂介紹醫生...
但我睇開既...都係非牟利獸醫診所既劉醫生、荃灣享和既張醫生(Dr. Eric)、元朗亞洲吳醫生、元朗動物診所蔡醫生(女醫生)....

希望佢地都幫到你...

祝狗狗早日康復~~

明白你的憂慮與彷徨，希望幫你但你要具體說出需要什麼幫助，是想介紹醫生弄清楚病情還是如何照顧小狗呢？
照顧方面，因小狗年紀不輕加上身體不適，悉心、細心、留心的關顧非常重要。突然的改變，小狗會不安及焦慮，情感及心理上的支持對牠極其重要，但你首先要調整自己，提醒自己小狗已踏入另一個階段，會遇到老、病所帶來的種種挑戰，小狗需要你和牠並肩作戰。
生命的起伏和挑戰難以避免，既然無法避免便勇敢地迎戰，要有心理準備經歷艱難的日子，但以你和小狗間那份堅實的愛作支柱，你和小狗都會體會到生命以另一種方式祝福你們。
因此，先讓自己冷靜、放鬆下來，小狗亦會隨著你冷靜和放鬆下來，這有助紓解牠的壓力和焦慮。此外，多和牠說話，包括安慰、鼓勵甚至稱贊的話，要積極正面的話；也盡量讓牠知道有關牠生活上的安排，這可增加牠的安全感。小狗不全懂你所說的字詞，但牠有能力感受當中的訊息。
祝福你和小狗

試吓黑酵母或靈芝睇吓有冇幫助,或者睇多個獸醫俾多個意見

請問你小朋友睇過邊個醫生, 醫生又同佢做過d咩呢?
可以考慮睇多個醫生要個second opinion,
你俾既資料唔詳細, 例如狗仔飲食大小便如何, 神志是否清醒, 我唔知點樣可以俾到第一時間既意見你.
有需要你email 你既contact俾我啦, [email protected]

另外考慮下傳心術會唔會幫到你~ ^^ ~