有關lcci aat 同埋acca的時間

(1) LCCI (Level II) - AAT - ACCA

LCCI (I&II) : 1yr
AAT: 2-4 yrs
ACCA: 4-9 yrs

Total= 7 yrs - 14 yrs (以Part time進修來計, 7年就考晒算係超能神童)

(2) 係咪要讀埋LCCI Level III先?

AAT 的第一張卷係Financial Accounting I, 裏面D內容同LCCI (Level III) 的 Accounting 有好多重複, 所以如果想快, 就讀完LCCI (Level II)後, 就即刻轉讀AAT, 但係如果想將基礎打得更穏, 就讀埋LCCI (Level III)先, 再讀AAT亦可.

(3) 職位與人工(約莫)

LCCI Level II to III: 會計文員 (無經驗: 6K) (3年經驗: 8-9K)

AAT(全部考試過關): 會計文員, 會計助理, 助理會計主任, 助理會計師, 核數員/高級核數員 (無經驗: 6-7K) (3年經驗: 10-13K)

ACCA (全部考試過關): 助理會計師, 會計師, 助理核數師, 核數師
(無經驗: 6-8K) (3年經驗: >$25000)

(4) AAT 及 ACCA 邊度有得讀?

AAT的資歷不是完成某個AAT課程就一定取得, 你睇到工聯會有AAT讀, 其實係補習班而已, 等如你考會考, 讀完補習班, 唔係代表已經考左會考, AAT的情況相同, 讀完之後你要考到AAT試卷的公開考試合格先可以攞到AAT資格, HKAAT有八張卷, 內容由中五程至大學2年級程度o既嘢都有, 但係全部加埋只係讀咗3 年制大學課程的一半咁多嘢.

ACCA一樣, 如果你見到某某大學有ACCA讀, 多數係補習班, 除非佢寫明讀完之後可向英國會計師公會申請「括」免考某些試卷, ACCA有十四張卷, 讀完HKAAT可以「括」免六張(N年前的資料), ACCA由第一張卷開始, 已經係大學一年級程度, 第4至第8卷係大學2至3年級程度, 去到最後六張卷, 係碩士程度.

(5) 讀到咩程度先去揾會計做?

LCCI Level III 或 HKAAT PART I (即頭4張卷合格), 而家D人都幾勁, 出得來揾會計做同埋爭到來做的, 通常都有LCCI level III, 不過你唔使擔心, 如果考得掂 Level II 就一定好輕易咁考到Level III, 因為跟本唔難考.

(6) 讀diploma 或 degree 代替去讀 HKAAT 或 ACCA, 同直接讀AAT或ACCA有咩分別?

有好多人情願讀diploma或degree 去代替考HKAAT或ACCA, 因為HKAAT及ACCA好難考:

除了AAT頭2張卷外, 張張卷都幾乎係寫長文, 尤其是ACCA, 3小時考試裏若寫唔到20頁紙, 都好難合格, 即使寫到, 都要睇吓內容正唔正確, 由於會計學去到大專程度時, 考題都好難有固定答案, 寫咗嘢唔係一定攞到分,, 50分係合格分數, 又外國專家親手改, 冇貼士, 要過關一D都唔易, 所以D人情願讀diploma or degree 去「括」免試卷.

通常「括」免試卷的情況如下:

香港政府認可會計文憑: 免HKAAT PART I 全部試卷(即頭4張卷)
香港政府認可會計高級文憑: 免HKAAT PART I and PART II 全部試卷(即全8張卷) 及 ACCA 頭六張試卷
香港政府認可會計榮譽學位: 免HKAAT PART I and PART II 全部試卷(即全8張卷) 及 ACCA 頭八張試卷

ACCA最後六張試卷, 就算讀到博士都冇得免, 一定要報考, 當ACCA所有試卷考完及合格後, 再加三年會計經驗, 就可以成為註冊會計師.

2008-03-23 13:56:53 補充：
(7) 有咩會計課程較受市面老闆睇重?

我已離開會計業多年, 邊間U响會計業當時得令, 真係唔清楚, 只係知道十年前係香港理工大學.

(8) 一般受老闆重視的會計diploma及degree 要讀幾耐?

從中學五年級或七年級為起點, diploma要2-4年, degree 要6年, 如果拿着diploma來入讀degree, 可以讀多4年搞掂. 當然E啲係講緊一般政府開辦的U的diploma或degree, 唔係商科學校果D. (以上時間以Part Time計算)

2008-03-23 13:57:53 補充：
(9) 要做會計主任或經理, 要讀到咩料先救?

要做會計主任或經理, 未必一定要考晒咁多張卷, 會計主任一般要ACCA LEVEL II, 即係ACCA 8張卷合格或 a recognized accounting degree, 至於經理, 現時最好有工商碩士+會計學士, 或者係學士同埋碩士都係讀會計.

2008-03-23 13:58:38 補充：
(10) 做Trading 定 會計公司好?

Trading 公司使唔使勁OT, 就間間唔同, 但係核數公司或會計樓就分季節, 因為核數的忙碌程度與季節好有關, 如果係淡季, 即5-7月, 可以日日五點鐘鬆人, 如果係旺季, 每個月要OT百幾粒鐘, 即平均每日OT 3小時以上, 所以做核數樓的人有啲會鍾情Open University of Hong Kong, 因為OU 可以好自由咁減慢修讀速度, 原本六年畢業可以調較到十年先畢業, 咁就唔怕因為要勁OT而應付唔到功課和考試啦.

2008-03-23 13:59:22 補充：
如果你係女仔, 可以揀Trading或會計公司, 但係如果你係男仔, 就只有會計公司揀, 因為一般公司只想請會計小姐, 唔想請會計先生, 除咗會計公司外.

係咪有D人成世人淨係PASS咗部份試卷都做得高層?

絶對係, 如果你以2A3O入ACCA做member, 佢會限你十年內要考晒咁多張卷, 考唔晒就算數冇得再玩, 如果你大學會計系畢業, 免咗8張卷, ACCA會要求你五年內考晒另外六張卷, 考唔晒又係要被迫終止, 除非你有額外理由先至俾你extension 五年, 即係話有大把人係冇考晒咁多張卷, 亦都以後都冇機會考晒.

2008-03-23 13:59:47 補充：
會計界相當重視ACCA的資歷, 即使你冇考晒, 只係考咗幾張, 都會承認你達到一定程度, 考唔晒都唔會嘥, 如果會計主任都算係高層的話, 大把人只係PASS咗六至八張卷都做緊高層.

其實只要你滿１６歲就可報考HKIAAT，未必一定要讀LCCI，何況AAT的學歷比LCCI高級好多，當然如你由LCCI Level 3一步步讀上去有個底會好啲啦！因為AAT始終比LCC深入好多，而且要讀的科目多，但認受性自然比LCC好啦！

如由零開始，AAT要考８張Papaer，最快都要２年內考完，跟住有個PBE，考４張Papaer，最快都要１年，再跟住考HKICPA的QP Programme，考４張Papaer，又要上Course，最快都要２年，所有加埋都要５－６年，重係要一次合格唔會肥佬喎，再加上要有幾年的核數經驗，才能成為合格的會計師。

ACCA同HKICPA都係會計師公會，你可考完其中一個會然後向另一個會申請豁免而獲得會員資格。

讀完LCCI只可做一些Account Clerk或Accounts Assistant的低層工作，讀完AAT都係由低層開始，只不過升職機會快啲，如讀完HKICPA或ACCA就不同了，可在管理層開始如Accountant，始終你所學的知識必定會影響你的工作能力，當然有很多細公司的會計主管都可因工作經驗或辦事能力而獲擢升，但大公司的會計就必定要看學歷的了！所以你可視乎你的要求而作出取捨。

如果你想搵番會計的工作，基本的學歷當然要有LCCI Inter or Higher啦，否則，很難入職，更未必肯請你，如有証書，雖然低，但都會有７－８仟。

如果你不選擇以考公開試的形式但仍想有會計的認可性，你可報讀IVE或大學校校外部的會計課程，例如Diploma 或Avdanced Diploma，然後再讀一個Degree，加上工作經驗，基本上都可成為Accountant的，但就不是合格會計師了，始終要成為會計師都要考公開試才能承認，因為很多學士課程某程度上都是用錢買個學位，雖然都要辛苦讀返嚟，但公開試的標準比較統一，所以認受性自然高好多，所以很多人都會考完Degree後，得到ACCA或HKICPA一些exepmtion，才再考餘下的幾張，冇咁辛苦。

如你想報讀Diploma，可試IVE平啲，但有機會一定要１星期返４晚學，辛苦些，而選擇HKU SPACE或HKMA的可能貴些，但會比較輕鬆些，因為最多只可１季報讀３科，即１星期３晚，比較有彈性。

不過聽你講不是做緊會計工作，其實最緊要係你自己有沒有目標想做那一行呢？正所謂行行出狀元，有時反而在工作上才發現自己的興趣呢！

2008-03-22 10:44:06 補充：
如果你冇唸住做會計師，但做到大公司（尤其是上市公司）的主任及經理都要最好有核數經驗及成為合格會計師的，但如果在細公司，基本上只須讀完個會計學位再加任何公司的會計經驗累積地做落去就有機會的了！以前有些公司的會計主任只得張文憑就係在一間公司做得耐及識討好上司都能成為主任級，但現今社會的人的學歷普遍高，如要做主任以上，最小都要有個學位了！

2008-03-22 10:44:50 補充：
照你所講，都冇打算在一些很大的上市公司做的話，你在一般的Trading公司都得，係冇會計師樓咁辛苦，但都唔一定冇OT，不過好多老細見你讀書都會在你返學的日子放人的，如在會計師樓工作，對將來的前途會好啲，加上做得會計師樓的人都係為左囉牌及嚟學嘢，老細都會知道你一定會讀書，所以在會計師樓做會有Study Leave或Exam Leave而且對學業上都有幫助，

2008-03-22 10:44:55 補充：
但在一般Trading就冇，而且既然你想做到經理，經理最主要幫公司看住盤數，要知道很多實際上會計的知識，如報稅，會計上的法例知識等，這些知識不單從書本上得到，更大程度上是在會計師樓實習時所得，所以如果你有心做上去，最好初初出來做時在會計師樓捱幾年，雖然人工低，但出來後人工會更可觀，比只在Trading公司做開的人工高好多，因為比佢哋識既嘢多，不過你自己考慮吓啦！

總括來說，讀到學位畢業係一個保障！

2008-03-30 14:59:51 補充：
做得大公司的高層（尤其是上市），如經理級以上的職位，多數都係要考完所有會計師公會的試或有些更是執業會計師或公司秘書，這是最低要求，你所提到的主任極其量只是中層管理，未必達到大公司要求的高層，當然，在細公司的會計經理（尤其是未上市），就未必須需要考完所有會計師公會的試，只要你識幫公司報稅及保持盈利就得！

如果考唔完所有試有咩後果？好簡單，咪做唔到高層囉！

如果你係由零開始,通常請會計文員大約請到lcci中級程度,有更高者更好,假設讀到中級合格,基本上有d學校最快4-5個月左右可以安排你參加考試,拎埋cert大約6-8個月,至於aat,最低係中級可以讀,考哂8科大約最快2年,不過aat不及acca咁高層次,aat畢業大約可以做中小型公司accountant或senior account,視乎經驗,我覺得可以先搵初級會計文員,邊做邊讀,一邊儲經驗,轉accountant比較容易,市面上有d dip既課程認可性都好高,例如space既account dip,好多公司都會重視的,比aat應該還更好!