請問有有人教我去深圳2日的行程? (本人未去過深圳)

你會第一日定係第2日去世界之窗??
其實幫你plan唔去世界之窗個日的行程都ok了

因為係世界之窗慢慢行都可以行足一日,你仲要影相同埋睇入面的劇場、俄羅斯人跳舞等等。

如果你行得快,e.g. 朝早9去到世界之窗,行到1點可以去歡樂谷,行20分鐘倒啦,,到時你搭mtr去世界之窗站落車,,行完之後返落mtr搵有威尼斯酒店的出口,,歡樂谷就係威尼斯後面。 而威尼斯亦係世界之窗對面,你到時會見倒的了。

行去歡樂谷會有路牌指你的,,我個陣去仲有,,唔知而家仲有冇
不過一定係威尼斯酒店後面,,而且到時你都可以問人,因為好近,要出左果個出口先好問係附近店鋪的人wow,,唔好隨便問路人=.=信唔過!!

而另外個日你可以訓到11點起身then check-out酒店,,去東門行街買衫
東門好多衫睇((唔知你係咪女仔?中唔中意睇衫?))、仲可以去修甲,不過你第一次去就唔suggest你,因為有d係幫人拉客,跟住帶你去佢間鋪度,可能會係呃人的,就算唔係,你到時整完出來都唔記得條路點行。

行到5點令你可以-----介紹你去一間叫「六千館」的飯店吃飯,,真係唔錯架,,一定要食「蟹黃豆腐」呀!!其實都好近東門,,不過打的去會方便d!!你同個司機講去--和平茂業 就ok,,因為佢就係和平路的茂業百貨公司度,地下果層,,或者你可以問個司機知唔知邊度有六千館,,都ok出名應該識路的!------你5點令過去就唔使等位等咁耐,,而且佢地9點就收爐~~

p.s.你行東門真係要小心d,,我上次真係試過比人用介刀介開我個袋,好彩及時發現!!!
到時你最好同fd並肩行,,千祈唔好行行下一前一後咁,好易比佢涉入你地中間介其中一個人的袋!!((我上次就係咁,,險過剃頭))睇住自己個包包啦總之!

2008-03-22 00:10:33 補充：
http://www.happyvalley.com.cn/

click入深圳歡樂谷睇睇

THX ~~~