養魚養咩魚

符合你所講的條件既,應該係孔雀魚。孔雀是較為容易養的魚。又容易生BB,每次生10~100條,一個月生一次,所以又叫百萬魚。(但係你要預左,所有魚BB通常就冇大的魚咁易養,尤其是新手來說。但養BB好開心0架!)

此外,劍魚(紅劍)、米奇、接吻魚、摩利、麗麗都是易養的魚。(但摩利和麗麗魚的體型較前幾種大少少)黑摩利都好易養,我0個d摩利又係生左d BB.

元朗我唔熟,但係金魚街就勁多魚買,10~20蚊就有一袋魚,所有食魚的設備一應俱全。

清缸養又得,落沙養又得,但係有沙會靚D.

如果養孔雀,最好加埋水草。

要留意有些魚是不能混養的。

一般來說,養魚加沙係美觀亦有實際作用,等D屎屎沉澱,如果唔係d屎屎會周圍飄,d魚魚見到d屎屎又會以為係食物,走去食,但係一食到係屎屎,會吐番出黎。

沙唔難洗,耐唔耐撓起d沙用水沖沖佢就OK.但我唔會次次換水都撓哂d沙出黎,你去金魚街買一些小型吸管,$10有交易,平時得閒可以用0黎吸走d屎屎.

新魚買番黎之前最好養下水,(唔好用全部新水,因為養魚好忌太多新水,d魚會全缸死哂。)買左番黎唔好即刻放落缸,唔係佢會唔適應水溫。最好買左返黎成袋(連埋個袋、水同條魚)浸響魚缸5~15分鐘,等條魚慢慢適應水溫。15分鐘後才剪開膠袋,連水放入魚缸度。只要係多d舊水就OK,如果加了新水記得要落除氯氣的藥水。

我而家個缸,有孔雀魚和BB,亦有黑摩利BB,摩利和孔雀BB 都一日一日長大.好熱鬧,但記得BB同大魚要分開養,唔係大魚會食哂d BB.

你可以去金魚街買小型魚缸$10就有一個

你可以養到一d小型魚

例如波子魚$10有4條(會生BB)

小金魚$10有5條

打魚$5一條
可以用石仔代替沙
D水可以加濾水器$35至45

其實唔同魚有唔同養法
屎多未必係魚既問題,
可能係佢喂得太多糧~
細魚易養既話,
米奇同孔雀係唔錯既~
金魚都唔難嫁,
睇你想唔想既姐
d屎同沙混埋左唔怕嫁
大力少少攪下佢地
d屎就會浮起
根本唔會難洗嫁~
水質方面,
你就要係買魚前幾日開定d水出黎放幾日(除氯)
買左魚返黎唔好第一時間放魚住,
先成個袋放落養好既水度30分鐘到
之後先放魚,
等缸水同袋入面既水平衡返就得~其他都冇咩問題
喂魚就一日一次都夠嫁啦
水就一至兩星期換一次
每次換四分一度既水

你可以養"班馬*"(唔記得叫咩名)因為係好易養,我由新手養條魚,到依家都未死.係好粗生.同埋係好得意^.~不過如果想生BB魚,你可以養"黑魔利",我買左四條"黑魔利",同我生足4次!好勁~不過要分開BB魚,唔可以同大魚一齊養or會俾其它大魚食.或者可以養"金清苔",真係好粗生,我一直有養果四條都冇死/病~不過要小心,d"金清苔"會"豬"d響魚缸底既野(除左同伴).即係如果有條就黎死既魚沉底,條金清苔會"豬"條就黎死既魚.

其實如果你唔需要,你唔應該買沙,因為沙係海水魚用,淡水魚,黑魔利同埋班馬*,都唔需要用到沙.所以你都係唔好埋.同埋你講得岩,會有好多屎load埋一齊,好難洗.所以除非你養海水魚,最好唔好加沙.

元朗冇咩地方好買魚,有得買都會好貴.所以你去金魚街(旺角)有好多魚買,唔同種纇都有,又平!係買魚既好地方~

**我所講既魚全部都係淡水魚,唔係海水魚,唔係熱帶魚...新手我"健意"你養淡水魚,因為淡水魚唔需要暖燈呀...同埋要求冇咁高.好容易養.金魚都唔好養,因為金魚好容易肥,病.同埋冬天要用暖燈.如果你唔想用好多錢,你就養淡水魚啦~我會SEND"黑魔利"既短片俾你,同埋"班馬*"我都會SEND短片俾你,我冇相,得短片~

唔難洗既魚咪係打魚又易養又唔係多屎，咩水質都ｏｋ