好想大家解答我..
係三年前..我做左d錯事..入左黑社會..
當時我同過一個同學講過..我係黑社會成員..
到左今日..反黑組係學校捉左我返去..
話我係三年前..f.1當時自稱三合會成員..
我好後悔真係..係f.3果時我覺得我自己已經變左好多..
我從f.3 開始好好讀書..今年f.4 我成績都唔錯..10/120名..
學校好多老師都對我好好..我好乖..只係想好好讀書..
但係個天唔知點解要咁對我..咁耐既事到依家都會發生..
我無犯過任何事..又無參加三合會既事..
我同出面d人..已經2年無聯絡..最後果次都係2年前既事..
依家反黑組起訴我自稱三合會成員..佢話睇過我d成績..同我傾計情況..
最後我認左有呢件事..
反黑組阿sir同我講..知道我想學好既人...佢話會幫我寫好份報告..
只會守行為同埋社會服務令..(我已經19歲)
========================================
我俾警察扣留..入面D人同我講..D阿sir呃我...
佢話最基本都要坐一.兩個月..有案底..
我好驚..我已經好乖..好俾心機讀書..點解會咁？
我好想有人可以幫到我..呢個情況我會唔會入去坐？
好擔心..
好煩..點解會咁？幫幫我解答..
2008-03-21 5:06 am
回答 (2)
2008-03-24 6:44 am
✔ 最佳答案
細佬，個差人耍你。自稱三合會既人獲不予起訴而簽保守行為的情況，我打左15年官司，生平未見。希望你係我所知道的第一個。
寫好份報告？乜野報告呀？我解比你聽啦。
刑事程序條例第109A條規定，凡21歲以下人士，定罪之後---不論係自行認罪或經聆訊後被法官定罪---除非法官認為除左判坐監之外，別無其他選擇，否則必須先行索閱報告，再行判刑。呢D報告基本上就包括感化報告、社會服務令報告、更生中心報告、勞教中心報告、教導所報告。等候報告期內還押與否，到時由法官決定。
咁講法佢咪即係叫你上庭認罪law，唔係law咩報告呀？驗孕報告呀？
仲有丫，D報告根本就唔係佢寫，警方甚至無權參與撰寫報告。係由感化官或懲教署職員寫架。
唯今只能盡快話比亞爸亞媽知，馬上搵律師研究，睇下真係有無得自簽守行為；唔得就預備打官司啦。除非你諗住認罪博輕判，但係會留案底的；如果為案底而戰就無得諗了。
祝好。
2008-03-21 1:56 pm
「自稱三合會成員」一向都是犯法的。這條罪要成立，你必須說出, 或曾經說出自己是某個三合會組織的成員。而這個三合會組織是確實存在的。警方有幾位三合會專家來驗明真偽，法庭會參考這些證據來斷定你ge罪行。
如果你說自己是「水X」、「1xK」，就是犯法的了。
由於沒有一個真正叫「三合會」的不法組織，所以如果你話「我係三合會會員」，應該是不犯法的。
而如果你真的自稱三合會成員，根據警方發言人表示, 首次定罪的話，可被判處罰款十萬元和入獄三年。
不過你ge case好似有啲唔同. 如果嗰個阿sir真係咁講ge話, 咁就不如相信佢ge話啦. 希望佢冇呃你啦... 希望係入面啲人嚇咋.
希望你冇事啦, 祝你好運!
如果你說自己是「水X」、「1xK」，就是犯法的了。
由於沒有一個真正叫「三合會」的不法組織，所以如果你話「我係三合會會員」，應該是不犯法的。
而如果你真的自稱三合會成員，根據警方發言人表示, 首次定罪的話，可被判處罰款十萬元和入獄三年。
不過你ge case好似有啲唔同. 如果嗰個阿sir真係咁講ge話, 咁就不如相信佢ge話啦. 希望佢冇呃你啦... 希望係入面啲人嚇咋.
希望你冇事啦, 祝你好運!
收錄日期: 2021-04-24 10:44:09
原文連結 [永久失效]:
https://hk.answers.yahoo.com/question/index?qid=20080320000051KK03076