新手養倉鼠的問題...請大家幫幫手

因為較多問題,字數又有限,唔想縮減唻回答,所以部份內容煩請參考我回答既其他知識,已附上LINK,謝謝!

1.倉鼠係獨居動物,如果一齊住係好易會打交,我細個係一籠兩鼠,試左好多次,好多方法,結果就真係100%打交,甚至打死
其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
a)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
b)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
c)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
d) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
e)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2.小紫王係細品種既鼠入面我覺得最乖既一種,性格溫純,但任何鼠都係,冇話一定唔咬人既,始終鼠鼠冇咩保護自己既能力,得牙同爪,有咩事既時候就會咬人
最緊要唔好太急同鼠鼠熟,唔好做左d野令鼠鼠驚,一籠一鼠,多d檢查鼠鼠身體及排泄物(鼠鼠唔舒服都會咬人),咁鼠鼠自然冇咁易會咬你了,了解多d鼠鼠有咩易受驚,可參考以下我回答既知識:http://hk.knowledge.yahoo.com/question/?qid=7008020802045

3.養鼠要買既野如下:
http://hk.knowledge.yahoo.com/question?qid=7008020600546

4.唔可以俾人既食物俾鼠鼠食,咁係好易影響鼠鼠既健康,影響內臟既問題,好多時都唔係咁易發覺得到,到被發現既時候,好多時已經係好嚴重,所以唔好以為鍚鼠鼠就俾多d野俾鼠鼠食,咁係對鼠鼠身體唔好既,其實只係俾混合主糧同時都可以加d鼠專食既牧草or草磚已經好足夠,詳細原因如下:
http://hk.knowledge.yahoo.com/question?qid=7008022103115

5.一般鼠店都會有鼠零食買,但好易致肥,實在唔建議俾鼠鼠食,詳細解釋在上一條回答中有講

6.小紫王及一般細品種既鼠都係大約2年壽命,我自己既鼠就試過2年多;而熊仔鼠長命D,一般係可以去到2-3年命,最長命既我試過4年多,不過只係一次,其實呢D只係大約既數字,飼養得好,係可以唔止既,就好似人咁,都有D人百多歲呢

7.我冇睇開咩鼠網,某D網頁既資料唔係咁好,又有好多係COPY人地既網,根本有冇錯連網主都未必知,所以睇既時候要留意返,先行分析過先好盡信
我覺得睇外國既倉鼠書會比較正確,始終外國養鼠既歷史較長,又或睇一D醫療既網,好多時都會有用倉鼠做實驗既新聞,從而都會了解到多D正確既知識

2008-03-22 14:38:19 補充：
樓下網友講既野有D唔同意,希望網友唔好介意
我覺得唔好俾鼠鼠食蔬果會較好,因為易令鼠鼠肚瀉,就算只係好少,都易出事,其實俾鼠糧同乾草就已經足夠,我既鼠都只係咁食,冇食其他野之後,鼠鼠比以前既鼠明顯地健康得多呢,更詳細既說明在正文中4.有提及

1.倉鼠唔係一定要分寵住.可以比佢地見面.一齊養唔一定打架.

不過就好少機會.通常要係家人及由細玩到大!

2.小紫王就唔一定難養同會咬人,每隻鼠鼠唔同性格麻

3.以下只作參考:



如果一開始養, 要買齊所有用品,則需要:



木槺:

大約8元至15元(要看大/小,有沒有香味而定)



冬天用的倉鼠棉:(未必一開始就要買)

大約10元至30元(要看大/小而定)



倉鼠籠:

大約48元至l00元不等(要看是什麼造#膠比較貴,鐵比較平#要看大/小而定)



沖涼粉:

大約l3元至50元(要看大/小而定)



倉鼠糧:

大約30元至40元(要看大/小而定)



濕紙巾(清潔倉鼠籠用):

大約10元(要看大/小而定)



水樽:(有時連籠迭給你)

大約l3元至35元(要看大/小而定)



磨牙石:

大約7元(好平又好大)(我附近先有)


4.5.倉 鼠很多食物也可以吃，間中給鼠鼠蔬果可以有助補充營養和水份。在主食之上再加其他蔬果穀物等附加食物，可以補助主食的營養不足。獸醫建議倉鼠一天要吃三種不同的新鮮蔬果，因為蔬果含有大量的維他命和維生素，對鼠鼠健康很重要！



‧‧水果蔬菜‧‧



蔬菜洗乾淨就可以餵鼠鼠，不用先煮熟，因為在煮的過程會造成營養的流失。大部份的蔬果鼠鼠都可以吃，但有些比較刺激的蔬果就不可以給鼠鼠。



而份量方面，也不可以給太多，因為蔬果中的大量水份會引起鼠鼠腸胃不適/肚瀉。吃不完的蔬果不可以放太久，放幾個小時也吃不完就要拿走！



‧‧種子堅果‧‧



種子類食物不見議在主食上再鼠鼠吃，因為種子類食物油份很高，多吃會令營養不良。而且當鼠鼠吸收太多油份，會容易引起癡肥和增加生瘤生瘡的機會。



‧‧可吃食物‧‧



蔬菜類 青菜、荷蘭豆、紅蘿蔔、南瓜 、薯仔、小蕃茄、捲心菜、白菜仔、菠菜

種子類 西瓜的核、杏仁、葵花子、花生

水果類 藍莓(証實可延長老鼠的壽命)、蘋果、啤梨、士多啤梨、提子、密瓜、木瓜、香蕉

穀物類

雞/小鳥用飼料、小麥、燕麥、粟米*、高粱、喬麥

植物類 三葉草、蒲公英、葛類、車前草

動物性蛋白 水煮蛋的蛋白、小動物用低鹽芝士、牛奶(並不是每隻鼠可接受，可能會肚瀉)、 原味乳酪、盒裝原味豆腐、麵包虫、小動物用小魚乾



其他類 嬰兒用的蔬果泥、鹽石



* 有些動物是對粟米有敏感，可能會引起皮膚乾燥、痕的現象



‧‧有害食物‧‧



蔬菜類 洋蔥、蔥葉（會破壞血液成分）、大蒜、生薑、韭菜、芹菜（刺激性太強）、蕃茄和馬鈴薯的葉和莖 、茄子、綠豆、未煮的乾紅腰豆(phytohemagglutinin會引起嚴重肚瀉)



水果類

橘子類、車厘子、牛油果、梅子、琵琶、桃的核、蘋果的核（會引起心臟麻痺、胃腸障礙、呼吸困難）

植物類 水仙、鬱金香、牽牛花、杜鵑、蘭花、菖蒲、風信子、蕨類、仙客來、繡球花、桔梗、羊齒類、愛麗斯



其他類

人類的零食/汽水、餅乾、朱古力和咖啡（咖啡因會引起心臟麻痺）、酒 、飯和乾果(太黏會引起頰囊炎)

6.倉鼠有大約2-4年壽命