如何分別學士

上面果位網友講得好清楚, 講晒英式制度的學士和榮譽學士的分別, 但係我想補充埋美式學制及於特殊情況下, 學士和榮譽學士的分別:

香港大部份政府開辦的大學都是跟英式制度(即3年制學士課程), 於這種課程來說, 就如前面網友所講, 考得成績高就第一榮譽畢業, 低就合格畢業, 但是也有例外的, 因為你會見到一些課程講到明係冇Honouro既, 即係你無論考第一也好, 第尾也好, 都係Pass畢業, 而且在香港八間大專院校裏面亦常有這類課程, 例如: 十六年前我就去理工學院(即現今的理工大學) interview 一個叫物理治療學士課程, 佢好清楚講到明E個學位唔係榮譽學位, 讀完之後無論成績係點, 個個都係Pass Degree畢業.

另外一個例子係二十年前的香港浸會學院(即: 現今的香港浸會大學)的工商管理學士課程, 這個更特別, 我兄長讀的時候, 校方會跟學生講明, 如果想取得榮譽學位, 就要在這三年大學生涯裏讀多三份之一的課程, 然後跟據成績高低, 決定你係第幾榮譽畢業, 但係如果唔讀埋E三份之一的課程, 就一定只有PASS DEGREE.

現今其實也有不少例子, 以我現時所就讀的香港公開大學為例, 香港公開大學的90%以上的學士課程也是美式, 即4年制大學課程, 完成頭三年可得學士學位, 完成第四年可得榮譽學士學位, 取得第幾榮譽完全由成績決定, 如果你是distance learning, 就係取得頭120學分可取得學士學位, 完成160學分可取得榮譽學士學位.

最值得你關注的問題: 既然榮譽唔榮譽都係大學畢業, 為什麼要讀多咁多嘢同埋俾多咁多錢去攞榮譽學位?

(1)第一個答案係為咗讀碩士, 有啲碩士課程即使係用PASS DEGREE申請, 也會取錄, 例如香港公開大學的工商管理碩士, 但係有啲碩士課程係一定要用榮譽學位申請才能得到取錄, 例如香港公開大學的資訊科技及應用碩士學位課程, 有D出名o既大學, 你冇榮譽學位跟本就唔會收你讀碩士.

(2)第二個答案係為咗入政府做專業職級, 私人機構唔係咁重視你個學位是否有榮譽, 但係香港特區政府的專業職級很多時就連minimum requirement都要榮譽學位, 例如香港城市大學的電腦技術員就寫到明一定要電腦學栄譽學位才有資格申請, 但是只是有資格申請, 唔係一定請, 連minimum requirement 都要榮譽學位, 爭起上來仍可能要碩士才會勝出.

1.係８間香港本地大學（jupas 入面寫的 Full-time Degree），所有學士課程都係“（榮譽）學士”，係用黎分別學生讀學士的成績

First Class Honours（一級榮譽）：係全班考頭幾名而達到一級榮譽的成績（如果就算考一名的人達唔到一級榮譽的成績，咁那一年就冇人一級榮譽畢業。呢個我都係啱啱先知．．．原來我另一班同學，佢地全班冇人一級榮譽畢業．．．）

Second Class Honours, Division One（二級一等榮譽）：成績屬全班中上

Second Class Honours, Division Two（二級二等榮譽）：成績屬全班中下

Third Class Honours（三級榮譽）：成績較遜色

Pass（沒有榮譽）：成績剛剛合格，成績屬全班尾個幾名
http://hk.knowledge.yahoo.com/question/?qid=7006091101022
2.TOP-UP DEGREE 是海外銜接課程.

在香港教授拿外國學位, 但在香港完成. 通常外國大學定期派員來港監察香港海外銜接課程質量. 而外國大學是最後泱定學分的機關, 而不是香港海外銜接課程的講師

TOP-UP DEGREE 質量很難說. 比較出名的海外大學如(Monash University, RMIT) 及英國好大學. 亦有學店跟海外不知名的大學辦海外銜接課程. TOP-UP DEGREE 好的出來更可以獲工程師學會直接認可或專業資格.

http://hk.knowledge.yahoo.com/question/question?qid=7008030603316