✔ 最佳答案
如果你唔駛玩淺景深,我會建議Sony A350或者Nikon D60,因為兩部機既套裝己經有防手震.
但係要玩淺景深就有啲問題,D60冇機身摩打,配原廠50mm f1.8要手動對焦.如果你唔介意呢個係唯一一個合你預算的組合.D60套裝約$5480再加七百幾既50mm f1.8只多小預算小小.雖然有其他可以做淺景深鏡頭但會超出預算好多.
Sony A350套裝約$5490,但係Sony係冇50mm f1.8鏡的,只有二千幾蚊既50mm f1.4,加埋就會超出預算好多.雖然你可以試下搵二手Minolta 50mm f1.8,不過唔保證一定搵得到.
Canon雖然有六百幾蚊既原廠50mm f1.8.但係450D配18-55mm f3.5-5.6 IS防震鏡頭己經要899美金,即係成七千蚊,仲要用多六百幾買50mm f1.8,又係超出預算.
建議不如放棄live view買較平既Canon 400D,加埋18-55mm f3.5-5.6 IS同埋50mm f1.8應該只會超出預算小許.
畫質方面3部都一定冇問題,可以放心.
2008-03-21 10:24:04 補充：
1.Below$7000其實都係得Canon 400D加18-55mm f3.5-5.6IS再加50mm f1.8合預算.如果Below$8000就可以將機身換成Canon$450D.
又或者買Nikon D80加18-55mm f3.5-5.6 VR再加50mm f1.8,Nikon D80有機身摩打,配50mm f1.8有動對焦
2.50mm f1.4比50mm f1.8有更大光圈,散景可以更散,而且50mm f1.4用料會好好多,50mm f1.8通常只係膠mount.
2008-03-21 10:24:09 補充：
3.由於Sony A350有機身防震,變咗雙鏡套裝都有防震,係低用,但係要影淺景深有啲問題,你雖然可以用佢支長鏡來影,但係人物要走到好遠,好唔方便,而且畫質會冇50mm定焦咁好.
4.冇錯,係要手動對焦.由於50mm f1.8係好平既鏡,所以冇加鏡身摩打.
5.所有Canon或者Nikon單鏡機都冇機身防手震,要防震就要買防震鏡頭.
2008-03-23 23:03:53 補充：
1.如果只買一支鏡的話比較難又夠wide,又夠長焦距,又有大光圈.wide或者淺景深方面要有小小妥協.
2.Nikon暫時沒有選擇.
Canon的話只可以選Canon 17-55mm f2.8 IS USM.但係支鏡成六千幾蚊.而且淺景深會冇50mm f1.8咁淺,影大頭或者最多半身效果都可以的.
2008-03-23 23:04:00 補充：
Sony A350由於有機身防震,可以選副廠的Tamron 17-50mm f2.8或者Sigma 18-50mm f2.8 macro.價錢分別係$2800到$3200左右.淺景深效果同Canon支差不多.
如果你接受冇咁wide,可以揀Sigma 24-70mm f2.8,廣角得翻等效36mm,比較一般,但淺景深效果可以較接近50mm f1.8.
3.Canon 450D同埋Sony A350都有live view.A350仲係quick live view,對焦應該比450D快.
