點對付呢ｄ咁陰咁奸的人？商場戰法提供ｐｌｓ！

咁ge，我地係個電腦商場度做，但最近遇倒個好陰險ｇｅ女人呀（正姣婆）！
請咁多位賜予我機智ｇｅ力量，令到佢唔好咁高氣焰！或者比ｄ智慧ｄ的方法我地趕走佢！
ｐ．ｓ．叫佢姣婆係因為佢成日用ｄ姣聲叫賣（ｅ．ｇ．　阿哥要ｄ咩呀？）＝．＝“

我地櫃位的圖解：我地──－＞姣婆──＞賣線阿姐

本身我地同賣線阿姐都係個商場好耐架喇，關係唔錯，但我地本身就隔左一個櫃位，後來姣婆遲來居上租左中間個櫃位！自此就多事啦！

首先係賣線阿姐遭殃！賣線阿姐係賣網線、ｓｐｅａｋｅｒ之類立雜野，姣婆遲來冇可能唔知佢賣呢ｄ野囉，但係偏偏就要賣埋同賣線阿姐一樣ｇｅ野，入差唔多ｇｅ貨

之後有一次，賣線阿姐ｓｅｌｌ緊一隻好特別的ｍｐ３，姣婆扮哂野咁問隻ｍｐ３點用，賣線阿姐以為佢會買於是就教佢，第２日，姣婆就入左新貨，就係果隻ｍｐ３＝．＝

之後仲要係明搶客仔，搞到打起上來，叫埋ｐｏｌｉｃｅ先搞得掂！

從此２家就再冇講過野。我地本身同姣婆都冇咩仇口，但同佢講野客氣ｄ就以為我地好恰。
佢千方百計想同我地交換櫃位，又話同我地合夥又剩。但係我地有個轉角位架嘛，佢真係好陰濕囉，梗係唔比佢啦！！咪拒絕佢囉！

第二日佢即刻同商場投訴話我地放ｄ貨太高擋住佢．．．咁我地只好放一部貨返落來，仲有一次，因為我地櫃位太大，每日得一個人看住（因而家呢邊係淡季），如果有時有客仔個陣，由於企定一邊，另一邊就冇人，個客就先經過姣婆個陣就會比佢捷足先登，我地的確唔係ｓｅｌｌ同一樣野，但係佢會將個客帶去另一間（同我地賣同一樣野ｇｅ另一間）＝．＝

應該點做先可以趕佢走？因為我知道佢簽左半年租姐，應該就快到期～～唔係唔可以爭生意，但係佢呢ｄ手法一ｄ都唔高明囉！點先可以「奸」ｗｉｎ佢？

第一次做生意，第一次遇倒呢ｄ人！真係有排我學～咁多位有經驗ｇｅ人唔該教下我！