✔ 最佳答案
哦,我諗,唔係因為你大聲與否,而係「太近」啦。
好多時都會聽到人地講「乜你行路無聲咖!」雖然咁講,但無乜幾可行路係大大聲既,除非著鞋個底好硬或者高踭啦。
其實大家講呢句野,係想話「你無畀我注意到你走近」。咁,你可以試下係遠少少既時候就叫一叫人地,大聲少少係無問題(不過當然唔好嗌到拆喇叭咁...),咁樣反而唔會嚇親人,唔信試試?如果佢聽唔到,可以走近少少再試,因為有可能佢係聽到既,只係佢一時間懷疑係咪真係叫自己o者。如果對方都係聽唔到/唔應你,你唯有繞到佢前面,等佢見到你先,就唔好係佢身後一兩呎咁近叫佢。
以上係一D少少方法,你可以試試。
至於點解你唔大聲都會令人嚇親,係因為,通常人都會有自我保護既意識,如果身後突然出現不知名「物體」,咁那個人會好自然咁提高警覺性,反應就好似驚驚咁,但其實佢未必係驚驚。
類似情況就好似,有個人作狀出拳打你塊臉,而你明知係假既,都會不其然瞇起雙眼,甚至合埋眼(自己整自己沒有效果)。是你驚嗎?不,你一D都唔驚,但係身體自自然然就產生反應,因為潛意識要身體保護自己。當然啦,你仍可以強迫自己唔瞇眼,硬要做就會做到,不過你既情況唔同,你係人地後面,人地意識唔到你係佢後面,如何強行叫自己唔好畀反應?難道佢要24小時全天候預備你係佢後面咩?當然唔得!