✔ 最佳答案
太極拳當然可以打架 la !
不過唔好跟公園的公公婆婆學,因為佢地果D多數係太極操,而唔係太極拳!多數姿勢唔夠正確架!同埋唔教人技擊。
太極拳有好多門派,有陳式,楊式,吳式,孫式,武式等等!
不同門派有不同慨風格同特點!
而趙文卓耍慨就係 陳式太極拳 ,特點係隱柔現剛、快慢相間,
有「戰鬥太極」之稱,起源於河南省陳家溝!
最好搵D師傅學la,可以上網搵下D資料!
陳式太極包括拳、推手、劍、刀、槍、棍、關刀。
但係辛苦D,因為要坐低架馬步!
有實用技擊性,比較適合青少年。
如果驚辛苦,可以考慮學 楊式太極 ,佢慨伸展大方,舒安正中,學起上來比較舒服,又有番禁上下技擊性,絕對值得學!包括拳、推手、劍、刀、杆。我本身都有學以上兩種太極,兩種都幾好!
不過學太極本身都講求個人修養,學左都唔好亂同人打架呀!
學太極都要好有耐性同恆心,必須要成日練拳、站椿、養氣等等!
最好有人陪你一齊學,可以練埋推手嘛!