結婚是人生一大囍事, 但如果家人很小, 朋友亦都很小, 基本一圍都不夠. 是不是很失禮男家?

結婚其實真係兩個人既事，唔洗理會別人太多，但呢個世界實在太多三姑六婆，唔知點解就會有好多人加把咀响你既婚事上，但絕對係同佢地一啲關係都無架喎！真係好奇怪！

你自己响擺酒呢件事上，有失禮男家既諗法，睇得出你自己都好介意男家人點睇，可能你自己覺得你係單親家庭，而男家又人多勢眾，所以如果男家同女家既圍數差咁遠，而你自己又咁介懷既話，咪男、女家分開擺囉！可能咁樣你自己&你家人既心理仲自在啲啦！係咪？

如果你地真係聯婚，男家啲親戚朋友見到女家得一圍，可能當晚你會有大把說話聽，結婚一世人一次，真係一定要開心同enjoy，無謂俾啲閒人既說話令自己唔開心吖！唔值得架。

所以你可以同你男朋友傾吓呢嗰問題，其實好易解決姐！同埋記住記住問埋你屋企人想點？

希望你做一個開開心心既新娘子&有一個完美既婚禮啦！

唔知點解我部電腦有問題,唔可以答題只可以畀意見
不過能夠幫到你都冇所謂
其實我嘅答案同Babe差不多
由男家果邊擺酒請客娶新抱形式
第日女家請番自己人一圍食飯就得啦
最緊要開心唔好將D無謂嘢放在心上

有咩咁失禮呀?, 咁事實家人朋友係得咁多, 同埋開成數十圍, 人哋都未必知啦, 唔駛咁擔心,結婚是人生一大囍事, 開開心心過麻....祝百年好合, 永結同心...

結婚不是講排場, 人多人小不是最重要, 我自己家人都不多, 只有一個姐姐和一個哥哥, 加埋都沒10個人

去年結婚, 共擺10圍, 但都好開心

唔好理別人什樣看, 自己覺得滿足就夠了, 人是為自己而活, 不是為別人而活

如果自己真係覺得心裡唔舒服, 也許你試吓同用男家說, 不用聯婚名義, 就只用男家名義擺酒, 女家就留2圍給親人, 這樣會否自己好過一點!

結婚是開心事,最緊要新人高興,所以個人覺得沒有所謂...最緊要你自己放開...
以下是真人真事:A小姐親人極多,單是女家便要另外再擇日擺七十多圍,當日男家只佔一至兩圍...但新郎哥很看得開,亦不存在失不失禮的成份...至今他們已結婚多年了...