我隻狗狗有狗瘟..想問下..

你睇果間係旺角麥花臣? 轉灣neway city 方向仲有一間柏德康,
我唔太肯定你講邊一間, 多數都係麥花臣吧!
如果有24小時服務果間就係麥花臣喇,
如果個人而言, 我會有更好既選擇囉.

打血清(血清蛋白)其實都算係醫狗瘟一個比較直接既方法,
好多獸醫都會用. 血清其實唔係藥,
佢只係血入面既其中一種成份, 可以推動新陳代謝, 及有解毒既作用.
所以除左狗瘟外, 亦有其他疾病醫生會幫小朋友打血清.
簡單d黎講, 可以話係幫小朋友買一點時間.

打完血清一般小朋友都會精神d, 所以肯食野, 都係好事,
短時間冇大便亦唔係大問題.

如果你既小朋友並冇留院, 可以飲葡萄糖水,
但係唔好開太濃, 一般人用冇添加其他味同色素既佢地都飲得,
例如得力素.

轉醫生要先了解你想轉果個醫生有冇血清治療,
我自己用既開獸醫係mk有呢個服務,
有需要可以send email 俾我refer 俾你: [email protected]

我有養狗瘟既狗仔好返, 亦有曾經死亡既經驗.
你想要邊方面既share呢?

但係你要小心記住, 狗瘟係可以好反覆,
時好時壞而且變化亦可以好大,
老狗同狗BB染病, 情況亦可以更反覆,
所以要mon得好緊.

唔一定係打哂5針血清會好哂, 其實考慮因素好多,
我曾經試過有隻狗狗, 留醫14日, 醫生話佢好返哂, 第2日(即係第15日)可以出院, 點知果朝佢有併發症走左.
所以要consider既野好多.

但我隻狗一支針都未打過
朋友話 遲D打用好D.. <--

你意思係賣隻狗俾你果個朋友同你講,
佢未打過預防針, 大個d先打會好d?
如果係既話, 請你小心從佢身上學得既養狗知識,
坦白講, 佢都好無良下囉!

狗狗能夠遇到你真好! 希望佢快d好返!
狗瘟其實唔係真係咁絕望,
你想要更多經驗可以email我, 希望幫到你同小朋友!!

轉載請例明出自cwyellow

2008-03-22 22:50:22 補充：
你個醫生好唔妥, 不如你send email 俾我啦.

另外就係, SPCA 我真係覺得十分之麻麻..
非弁利嚴醫比較平, 可能幫到你...

咁而家小朋友到底好返未?

不過買左支噴既幫佢洗身 <== 冇需要, 暖水抹身吹干已經可以.

2008-03-23 12:26:59 補充：
霧療<== 即係將一D毒霧化等小朋友聞..即係好似人"聞氣"咁,
等佢舒服d同埋直接SORT到 呼吸問題..

打血清既同時係唔係已經有食緊藥?
打完食多一個cycle 既藥... 其實都唔係咩特別事!

其實我想知道你所謂賣狗俾你既朋友, 你地係識左好耐定係點?
佢本身有賣開狗定點呢?
一隻完全未打過針既狗仔, 都可以賣, 佢都好有良心下..
再者, 如果佢係breeder, 就算吧啦..
小朋友而家只係肺炎狗瘟, 你都應該要高興...

今日帶我隻Baby去打第四支血清
vet話狗狗咳得好似勁左 話不如比佢做個唔知咩霧療 再轉過隻抗生素

vet話打埋聽日最後一支血清再睇下情況

而家每一日我都有清潔佢訓既地方
因為而家仲細 我都唔會幫佢沖涼 不過買左支噴既幫佢洗身

狗狗而家冇痾喇 仲有間中有咳同埋打噴嚏

想問下有冇人知道霧療係咩黎架??
同埋打晒d血清係咪應該仲要keep住食抗生素呢 聽聞要食一個療程

同埋今日真係好嬲好嬲
我買baby果陣 另外有個朋友都買左baby個親細佬
又係有咳 我個朋友帶左佢睇vet 話細佬可能有肺炎囉..
如果真係有事既話 即係賣狗比我地果個朋友 可能一早已經知道d狗狗有病..

佢係飲得 葡萄糖架
係人飲個 d
去藥房有得買, 好似十幾蚊盒
我 d 狗有痾嘔 我都會開俾佢地飲
而且都係醫生建議, 對狗黎講係有益架!!

我屋企其中一隻狗係細個嘅時候曾發過狗瘟，後來帶佢去睇醫生，跟足醫生嘅指示，我隻狗係屋企吊鹽水吊足成個星期，我老公仲請假係屋企陪佢，因為驚佢唔知道會唔會突然間出d乜嘢問題，後來我哋真係跟足醫生嘅指示，你好番晒，而家仲鬼咁精靈，到而家都有
12年，仲成日係度跳來跳去，成隻馬咁走來走去，又跳得跳，所以你一定要跟醫生嘅指示，佢就應該會無事嘅，你放心啦。