第一日返工，點先可以同d同事 friend d??

如果你唔想畀人ｃｏｏｌ既感覺，首先，你要主動同人打招呼，如果你未知佢叫咩名，要自我介紹同問佢咩名，然後盡力記住佢，下次打招呼就要叫一叫佢個名（當然唔係叫「全朵」啦），咁樣對方會好受落的。

通常都會有人介紹，但係一下子要你記下十幾個以至幾十個人名係無咩可能既，所以你唔需要太覺得痛苦，略為重覆下佢個名就得，例如：
介紹者：呢位係TONY
你：啊，TONY你好！
咁就ＯＫ了，事後再跟佢打招呼時，可以講：「呀，我唔記得左你點稱呼添，我叫JACKY呀，請問你叫...」就ＯＫ，不用太拘僅。你係新同事，唔記得一兩次，實屬正常，如果你記得，佢會意識到佢係你心目中係有印象。

初來步到，最簡單，當然係問下附近食晏邊度好食，一唔一齊食，之類，如果可以一齊食飯，之後就會繼續有得傾啦～如事者，就等於識左囉。

至於要注意Ｄ咩呀，首先，你對同事唔會有深入了解，同時佢地又唔會太了解你，所以彼此要盡量避談太私人既事，否則萬一發生「你爆佢大鑊／佢爆你大鑊」等等事件，即使係誤會一場都好，都唔係咁好啦，所以一開始只宜傾Ｄ唔係咁貼心既話題，就夠了。例如時事呀，個人興趣等等。
同時，切忌講公司Ｄ人既是非，如果有人跟你講，你最好不置可否，支吾其詞就算數了，大可一句「唔係真呀嘛？」來了事（只是例句，不必濫用）。只要一加入討論，人地講既野隨時會變左係你講既野，食死貓就係咁來。所以要小心。

大致係咁，祝你新工作順利愉快。

2008-03-19 01:38:01 補充：
雖然講話要盡力記住Ｄ人名，但係太多都真係記唔住嘛，所以唔好太過在意，反而唔好因為唔記得人地叫咩名就唔叫人呀～

你做邊一行呢?
一般來說,可以主動介紹自己. 衣著樸素,專業點
可以問下人地的工作, 但唔好扮專家,要問一點人家專長的問題,表現你好有興趣向他學習.
如果人地好cool 好似唔得閒就不要死纏.
最好找同性入手,免得看來另有目的.
如果有異性過分殷勤,最好避開下,唔係好易有閒言閒語.
向所有資歷的同事都應有同樣謙虛態度.
如果有d 人似等別受其他人討厭,起初最好不要太friend, 以免其他人怕埋你,但之後當然慢慢可以再了解.
最後要抵得諗,幫下其仔人, 早到遲退.
Good luck :)