青山醫院明心樓

醫院管理局嘅精神科門診服務係屬於專科類別。你係必須要透過轉介，你才可以在明心樓精神科門診部就診。除非你本身已經是明心樓精神科門診部嘅覆診病人，否則你係唔可以就咁打電話去booking
假如你是從未到過屯門明心樓精神科門診部就診接受治療，又或者你已經超過兩年沒有到明心樓精神科門診部覆診嘅，就必須要經過轉介，才可以在該門診部排期，接受精神科治療。
首先，你必須要是居住屯門、元朗及天水圍的市民，並先由普通科或其他專科醫生對你進行評估，攜同醫生轉介信及病人的 身份證前往登記預約。






專科門診（包括專職醫療服務）


首次診症100元，其後每次診症60元，每種藥物的每個療程收費10元


2008-03-19 02:04:06 補充：
I am ward staff of psy. ward in HA

2008-03-19 12:28:37 補充：
明心樓精神科門診部(即屯門精神健康中心 Tuen Mun Mental Health Centre)
查詢電話: 2456 8000, 2456 8009

2008-03-19 12:46:19 補充：
你可以先到私家醫生求診，又或者到醫管局屬下嘅普通科門診部求診，經醫生評估之後，會寫轉介信給你，你攜同醫生轉介信及你的身份證前往登記預約。

但假如你感覺不適，我建議你應儘快到任何一間公立醫院急症室求診，急症室醫生會因應情況，將你轉介往精神科作進一步治療，由精神科專科醫生對你進行評估。如情況嚴重，會安排你入院接受精神科治療，又或者安排你到屯門精神健康中心優先跟進，排期進行門診治療。

2008-03-22 01:32:48 補充：
若果你嗰位社工最近真係有幫過你聯絡過屯門精神健康中心嘅當值護士，護士 check 過你最後到門診部覆診日期記錄係仲未係過兩年期限嘅，我建議你可以主動打電話 Tel.: 2456 8009 與門診部當值護士聯絡，又或者直接到門診部向當值護士查詢，由門診部醫生決定你是否需要再重新排期，喺門診部覆診見精神科醫生。

我先前有提及過，醫院管理局嘅精神科門診服務係屬於專科類別。你係必須要透過普通科或其他專科醫生對你進行評估，然後協助轉介，你攜同醫生轉介信及你的身份證前往登記預約，你才可以在明心樓精神科門診部就診的。

2008-03-22 02:15:06 補充：
因為社工並非專業醫生，佢係無受過專業而正統嘅醫科訓練，佢亦未必能夠全面咁從醫學角度去判斷你是否需要轉介往精神科跟進的。所以，社工佢係唔可以幫你寫轉介信作直接轉介 ka。你必須要先由普通科或其他專科醫生對你進行評估，由醫學角度去判斷你是否需要轉介往精神科跟進治療。

不過，社工佢係可以寫信又或者直接與醫生溝通，向醫生和護士提供你嘅一切資料，同埋你嘅個人日常生活狀況等等。醫生係會參考社工所提供嘅一切資料和意見，而決定你是否需要再接受精神科治療。

2008-03-22 02:38:22 補充：
所以，請你參考社工嘅意見，先主動打電話 Tel.: 2456 8009 與門診部當值護士聯絡，又或者直接到門診部向當值護士查詢。假如你自己都認為有需要再見精神科醫生嘅，就算過咗期而需要再重新轉介，你仍然可以透過任何一位普通科或其他專科醫生對你進行評估，攜同醫生轉介信及你的身份證前往登記預約。甚至，情況危急嘅時候，你亦可以儘快到任何一間公立醫院急症室求診，急症室醫生會因應你嘅情況，將你轉介往精神科作進一步治療。

放心啦！每一個人(包括：醫生、護士、社工)都係會以你嘅利益為優先的，健康最緊要，只要你願意同每一個人合作，大家都會儘力幫你，對抗精神病！