我隻倉B唔飲水

鼠鼠幾耐唔飲水?有冇d咩病徵?倉b既意思即係真係未戒奶既鼠b定係已戒奶既?會唔會死就要睇下係咩情況,如果係病到唔飲水就較大問題

A.如果係未戒奶既鼠B,要去到出唻搵食,約12日左右先會自己飲水,留意返水樽既高度會唔會太高

B.檢查水樽會唔會出水都有問題
測試水樽出水有冇問題,最好就係將水樽好似放左入籠咁垂直放,用手指尖輕輕托下,咁就會較接近鼠鼠飲水既情況,用手又可以感覺到出水時會唔會出到但困難,我次次換水都會咁試既
如果水樽出水真係有問題,就要盡快再買過個新
但如果係生左B既情況,就只可以在籠外檢查,唔可以伸手入去

C.如果水樽係冇問題,就可能係飲得太少所以唔多覺眼,你可以入滿晒一整支水,咁就易睇有冇飲過,亦冇咁易漏水
倉鼠原居沙漠,所以飲水會比較少,在沙漠中唔係時時有水飲,所以鼠鼠為怕水份流失,所以佢地既尿係比較濃
只要水樽出水冇問題,而佢唔係完全唔飲,咁就唔洗太擔心了

D.真係完全冇飲水就,就可以試下在鼠既食物上加少少水,如果你用既籠係通風式,可以整乾淨個籠邊,or鼠鼠訓既屋仔,整少少水上去,一般鼠鼠應該會舔乾佢既,而且要留意以下事情:
1)檢查水樽出水有冇問題
如有問題就要買過個新既

2)鼠鼠有冇唔食野or好累咁呢?
仔細檢查鼠鼠身體及排泄物有冇異常,睇下鼠鼠會唔會有唔舒服所以唔飲水

3)鼠鼠有冇受驚呢?
睇下鼠鼠近來會唔會受驚,例如會唔會係新買返唻?會唔會外來人or物令佢驚?
鼠鼠受驚都會唔飲唔食,所以要避免令鼠鼠受驚既情況,特別係新買返唻既鼠,頭2日最好唔好打擾佢,如果買得耐左都係好驚人既話,最好都俾佢靜下先,再慢慢同佢熟

4)同一籠又會唔會有鼠鼠一齊住?
鼠鼠係獨居動物,所以如果有第隻鼠一齊住既話,都會令鼠鼠感到緊張同驚,最好就將佢地分籠

5)鼠鼠會唔會脫水呢?
脫水特徵:
1)行得好慢
2)行路趺下趺下
3)身體發抖
4)甚至摸佢都冇反應

6)會唔會只係日頭唔見佢飲呢?
鼠鼠係日頭活動夜晚活動,所以日頭訓既多,飲食玩都係集中在夜晚,所以有時會見唔到鼠鼠飲水,將水樽裝滿水,留意一下鼠鼠係咪真係成日都唔飲啦