我個妹一見到髮剪就驚，每次剪髮都要勉強去逼佢，我做家姐既都好心痛，又唔知應該點做？

我個妹細個個陣都唔驚剪髮既，唔知點解到左大個果緊一見到髮剪（剪髮的剪刀）就會驚得不得了，然後就拒絕剪髮。
有次我阿媽話俾我聽佢帶細妹去剪髮，一路佢都無乜野，佢坐左係張凳上面一直都好乖，但係一見到髮型師手執既髮剪，佢就開始扭計，攪到我阿媽無哂辦法，最後仲忍唔住打左佢一下，阿媽打電話俾我話佢自己走左唔知去邊。我叫阿媽試下一邊打電話俾佢，一邊去佢平時去既地方搵佢。阿媽之後打俾我話搵佢唔到，我安慰左我阿媽兩句，跟住再打電話俾佢，本來諗住打唔到就報警（佢十二歲）。結果俾我打通左，佢喊緊，我叫佢番屋企，佢又話唔想。最後我叫佢不如去家姐（我）屋企，有咩就同家姐講，不好再係街流連，佢先肯上黎我到。我問佢剪髮D野，佢唔肯出聲，我又唔想攪到佢驚左我，所以都無再逼佢。
今日佢又一見到髮剪就驚，佢驚到攬住我喊住講話要走，我雖然一直輕拍住佢個頭安慰佢，但係最後都係要帶佢走......
我想知我個妹係咪心理上有D咩問題？如果係有問題既話，我做家姐既又可以點做？總不可以每次剪髮都逼架，再逼下去，佢心理上實會有更大既陰影。