有關伴娘裙既問題...

你可以選擇一些下身是娃娃款的鬆身伴娘長裙,
那便可以遮掩倒腰間與Pat Pat的問題,
盡量不要選擇拎身同反光的布料,
因視角上會增加圓潤感.
亦不要選擇用多幅布料合成極多層次的裙子,
或配有很多或大形裝飾物的都不適宜,
一來不合你身份,二來令你看起來更累贅.
素色的單幅布料或裙上有少許閃閃的效果的已經ok,
加上披肩,便已經很好看了.
緊記!一切來得越簡單自然,便越適合你.

我覺得選擇有吊帶/有承托(背心款/有袖)的裙子會比較適,
因晚裝裙/伴娘裙都會較便服重很多,
試裙時看是看不出問題的,
一到當日實忙到出煙,作為伴娘的你,
一面做一面拉裙子,是多難看啊!
But...有袖款雖然可遮倒手臂肥肉,但感覺Out d,
如吊帶就最好揀粗帶的款,
背心款就一係就高領點,大約到鎖骨位就差唔多了,
一係就大低V款,實行轉移視線.但一定要著Nu Bra打底,
唔係一定走光lu.^^

而伴娘裙一般都是白色、粉色的了,
選擇顏色一般只是隨心或不與新娘子撞色為本,
不過一提;
假使你膚色再白也好,由於東方人的膚色本是偏黃一點,
如你喜愛白色,選擇米白色一定勝於純白,
如你膚色偏黃/偏黑,更加不適宜選用,紫色是不錯的選擇.

2008-03-18 03:32:49 補充：
選伴娘裙時係由新娘子帶同你一齊去揀的,
禮貌上要問一問新娘子好唔好或喜不喜歡,
而伴娘裙、伴娘鞋、當日Set頭化妝都是由新娘負責付款的,唔好搞錯啊!

伴娘裙可以簡單一點, 但又唔可以太隨便架!
不要揀太color的, 例如紫、綠、藍等等, 這樣會很土氣。顏色最好是淺粉色類, 最好同新娘既婚紗同色係列, 咁你同新娘一起時會協條好多又唔會搶鏡。長度要過膝頭多D, 太短唔似伴娘而且比人既感覺唔大方得體。
不要穿吊帶, 會顯得更肥! 我認為依以上準則再加上你個人喜好的細節, 一定可以揀選到滿意既伴娘裙既!

我表姐剛結婚: 新婚42碼, 伴娘38碼, 據佢地經驗, 不要去尖沙咀, 會好失望, 個別的婚紗店都有1-2件大碼, 全部都話無你尺碼, 除非訂造, 就算你話訂, 都有好多間不願做你生意. 幸好這個世界還有人是沒有奇視肥人的:
1) 金都地庫B27 - 特多大碼伴娘裙
2) 愛都5樓 - 老闆娘同聲同氣,好好人, 佢會教你很多肥人必瘦法寶, 件件精心設計, 著起來特顯優點,收起缺點, 十足信心
3) 遠就遠D - 元朗大陂頭徑2-12號華盛樓2樓A1室 - 有很多大碼新娘衫,伴娘較少, 勝在就算無你尺碼, 幫你做件新的租給你.

醒多你1個錦囊: 食Dr Health纖美因子係1月內幫我表姐減了2吋腰, 神奇的係胸無細到

祝你選到合心水的靚衫, 下次到你做新娘!

我都係啱啱做完其他的伴娘
自問都係肥肥地
亦明白做伴娘又唔係做新娘
當然想瘦d靚d好
但又不太有動力去減

建議你從揀伴娘裙著手
嘗試不要穿吊帶，看上手臂更多肉
寧願著LOW CUT
我以前都唔信，後來著上身才覺
揀d鬆身d，最好係胸下位有少少收緊便開始散落的長裙
係金都都有好多這類租，$300左右

紫色同藍色應該幾適合,
pink會把你的缺點表露無遺的, 不要ar!

其實著對high heel就拉高左你個人,
令人無咁留意你肥美的小腿,
加個披肩就遮埋對手臂tim la...

伴娘唔係 應該同新婚一齊去租衫衫o既咩???
但我個人意見... 唔好在意自己粗唔粗囉~
因為我自己小腿都唔幼... 我都好明白您點諗o既...
但只要著出黎o既效果好睇就得~
同埋睇下您o既膚色岩咩衫~ 我自己比較白,
俗語有句話... 一白遮三羞... 我當我自己遮晒架啦~
所以我一定會簡粉紅色著~@-@~

2008-03-18 13:26:04 補充：
我覺得樓下 SNOW 就講得唔岩, 可能您個人唔鐘意粉紅色 OR 您可以話粉紅色唔係個個都岩, 但我絕對唔認同您講"pink會把你的缺點表露無遺的", 這點是錯的, 著衫要襯自己膚色, 如果您黑蚊蚊走去著粉紅色, 咁當然係唔好睇啦~ 同埋我都有個FDS 講, 肥O既人著 LOW CUT 幾好睇O既~ 您試衫衫O個時都可以TRY TRY。