✔ 最佳答案
首先我想更正001的答案，佢所建議的文部省獎學金係會因應你係bachelor, master, doctor, 1-year exchange student....etc.不同身份，獎學金的錢會不一樣。
如果只係bachelor or 1-year exchange student等身份，一個月最多係13萬幾。(我當年就係拎呢個數目，最近好似lower左少少...大約12萬幾) 並非001 answer 所講的19萬。
重男輕女的問題，我相信響大學的話，你完全唔需要擔心呢個問題。尤其你係外國人，日本人睇你的眼光就已經非常唔一樣，唔會當你係一個日本人地看待，更不會因為你係男係女而對你有所不同，咁當然如果你係靚仔靚女就更加受歡迎啦。
基本上大家都非常nice，如果你可以讀到東大就更為「威威」啦。仲點會有人睇唔起你。
至於「認受性」的問題，我成日都強調「讀之用之」呢個道理。你響日本讀大學，最容易搵到的工作就會係日資公司，日資公司裡面就一定好多日本人，如果你響日本讀山雞大學，就算你interview講得幾好，睇到個大學名就當然俾人覺得有少少卻步。
相反，如果係名校(如你所講的東大)，我相信你留番響日本都已經好多人搶住要請人。番到黎香港更不在話下...
另外，如果你係想繼續升學，一間如東大般的全國名校，我相信只要你有心，本身個人無咩大問題，應該唔係難事。
自學日文其實係非常困難，尤其係聽同講。而家響香港舉辦的日文水平試係無oral paper，所以要考一級係非常容易。但你要明白，語言唔係只要能識寫就okay，一定要識講、識聽。自學的話，發音就當然會唔準，無一個人教你正確讀音，correct你的錯發音，係會差少少。
唔應該慳少少錢就去自學，你可以一開始俾錢讀，再深入少少時先自學。咁樣會讀得快又正確。
一年讀書幾多錢呢個問題，首先你要睇你自己係讀bachelor, master, doctor or temp student language course....每一個系、每一個科都唔一樣，不過因為係國立大學，所以唔會太貴。但要留意，入學要俾入學金、要俾好多雜費，所以頭一年會好貴......加加埋埋都要成70-90多萬日元不等，一定貴過香港。
係東京食、住都好貴，如果你好彩俾你抽到dorm住會平好多，慳家的話生活費真係4~5萬一個月都可以(不過以香港人咁大洗...就應該無咩可能，起碼7~8萬)....淨係電話費、上網費都用左1萬...仲有，水費、電費、煤費、食費、車費...
如果你要自己出去租房住，只係房租平均一個月要成5萬屋租。(如果同人share 房可以平少少)....會貴好多ga。
祝你有個愉快的留學。
2008-03-19 16:00:10 補充：
另外，我唔係非常同意001答案裡面所講「就發音來說,講廣東話的人無論英文還是日文,一般發音都比較差,大概是受廣東話影響。」
其實廣東話的發音係世界出左名「難」，因為音多、發聲的技巧又多，相反日文其實簡單好多，所以學起上黎係幾容易。你唔需要擔心要同日本人發到同一音呢個問題，就算係日本都有好多唔同方言，大家講的日文都會有所出入，所以係唔係發音唔好就有好大問題呢，我可以話你知「一定唔係」。
我自己本身對發音都無太在意，因為人地一聽到你介紹自己就知道你係外國人，又何必去扮日本人 or 太care一兩個字的發音呢? 比起語言，以禮相待先係最重要。
2008-03-19 16:06:45 補充：
關於重男輕女....其實係日本國人之間...我覺得依然有呢個問題存在。佢地始終都覺得女人嫁左就要照顧屋企先得。俾一個例子你︰office裡面泡茶的通常都係女仔，而其中又以年資最低的去做。當然...萬一女性職員的post 係比較高，咁都會出現男性職員泡茶的現象。
不過最近10年已經大大有進步，在職婦人也漸漸增加，但數目就點都唔可以同香港相比。而女性上司的數目，響日本就更加少...
