我第一胎驚唔會順產, 又驚要生好耐!

生仔真係無得驚咁多，最好都係聽醫生的建意，你會係私家還是政府生呢？如果係私家可以同幫你接生的醫生商量吓，睇你想順產或是開刀，因為醫生可透過你的身體狀況、bb的體型和體重及醫生的經驗給你意見，我有朋友係私家醫院生，個醫生係很有經驗的婦科醫生，醫生check到我朋友到產期時，當時個b約6磅，約好日子，度好盤骨及check好身體，一入院摧生數小時攪掂。其實係政府都一樣，都係會先睇你身體狀況而決定順產或開刀，正常的話都會進行順產，當然係辛苦，有邊個人生BB唔覺得辛苦，除非一開始決定揀開刀，打咗麻醉針就無咩知覺，但開刀後的個人護理就煩D，頭個月唔可以補身，傷口又較大又要小心，一切都係要睇情況，當年我係政府醫院生因過咗預產期而要摧生，摧生時的藥物令我子宮不斷收縮陣痛，我真係覺得很辛苦，後來因為摧得太耐個BB又唔出，最後變咗要開刀，bb出來原來有8磅幾，所以生得辛苦些。雖然過程辛苦，但見到BB時真係好開心，同埋生完BB後真係好快忘記之前陣痛的辛苦，所以唔好比壓力自己，每個懷孕的媽媽都會有這機會，放開心情來迎接BB，比信心自己及醫務人員，你可以應付得黎。預祝你生個健康可愛的小寶寶。

你試下摸下個肚, 覺得值得嗎?
媽媽就係咁偉大, 唔洗驚, 你要話比自己知, 你需要好泠靜咁, 先可以保護BB, 另外得閒的時候行多d, 我覺得都有d幫助.

我都係第一胎, bb剛好2個月, 我生之前都係好擔心唔知點生,到左36週突然穿羊水要生bb.痛左6個鐘同埋d助產仕的幫忙之下卒之生下一個5磅的bb女, 佢依家有10磅半. 所以你唔駛驚, 只要bb健康到其時一切都會好順利架

唔使擔心,係要生好耐!但係你會生左個ＢＢ波！唔好驚呀！




（我係Ｂｏｙ）

1.我有一個女兒4歲半，剛剛又產下第二胎，已經4個半月。
2.我2胎都順產，第一胎生左20分鐘，第二胎仲快，8分鐘搞掂。
3.其實一般孕婦都可以順產，只要你忍受住生之前既陣痛，生產時依
足助產士既指示去做，問題唔大。
4.一般而言，只是每個產婦既陣痛時間唔同，我2次都係要痛成4個
鐘，但係相比其他人，應該算短。
5.而家開始，唔好成日坐係屋企，出街散步，令子宮擴張；食多D涼
野，例如西瓜、腐竹糖水，會容易生產。

只要你到時見到你的小生命出生，你回想起所受的一切痛楚，你就會知道一切都係值得嫁！

希望可以幫到你啦！恭喜！

其實唔使甘驚, 順其自然啦, 到時你會唔識驚啦, 你想係政府生就多數都要等你自己去生架, 如果去私立生就最好選開刀啦.