sales co-ordinator問題 - 請指教．．謝^^..

你於政府做了六年合約文員, 咁安定, 出到黎揾私人機構工, 一定會覺得D老闆點解可以咁荷刻架! E個係正常反應, 我有個朋友都係E種情況, 佢都好難接受.

之所以難接受, 係因為:

(1) 比較起政府, 確實係荷刻好多.

(2) 未明白商業世界競爭激烈, 其實我想說句公道說話, 私人機構對員工的要求和待遇, 不是完全由他自已決定的, 是市場決定的, 如果份工真係要求咁多但人工咁少就會冇人做, 咁樣所有的公司都唔會請到人做嘢, 注定倒閉, 但係事實證明佢地繼續生存, 證明求職市場爭得好激烈, 好多人爭住做E啲工, 如果間間公司都係咁荷刻但係又生存到, 而有一間公司特別好人, 唔需要員工識咁多嘢, 但係俾佢月入過萬, 咁E間公司就注定倒閉啦, 支出大過人, 效益細過人, 點樣夠人爭呀?

其實你的情況已經好過好多人, 因為你D料比較多元化兼實用, 你再俾D耐性一定揾到, 但係人工就可能會少過以前, 如果你要人工高得過以前, 除非你做返admin啦, 因為你有六年文員經驗, 但係你冇 SALES 經驗. 如果真係好想做Sales Coordinator, 但係又冇人請, 咁就唯有做一年SALES 先, 機會自然會大好多, 因為經驗對求職來說是決定性因素, 比如你有有關經驗(2年以上), 冇有關學歷(只有中七), 你點都揾得返有關工作來做, 不過人工就一定唔會多, 但是如果你有有關學歷(如 HD), 冇有關工作經驗, 揾得到有關工作的機會就少好多倍, 平都冇人請.

就以我為例, 我十幾年前已經有HD(in Computing), 一直做住保安, 一直揾文員工作, 結果由於冇有關經驗, 揾咗十年都揾唔到份5千蚊o既文員, 而且其間我仲將中英文打字練到每分鐘四十字, 考埋會計及成本會計LCCI中級, 再去理工讀埋國際會計師公會o既專業資格, 一樣揾唔到文員做, 後來我升完職又升職, 由保安升做物業管理(朝九晚六), 已經唔使好似以前做保安咁, 每日十二小時工作, 我都費事再去揾文員做囉.