暗戀一個人的感覺是怎樣

暗戀的表現

．見到佢果陣會心跳加速
． 口齒突然間變得好唔伶俐
． 經常發呆
．人地無話打俾你，你又響度猛等人地電話
．當佢響你視線範圍之內，你會扮睇唔到
．當佢離開左你視線範圍之內，你就會勁望佢去左邊
．出完街之後，好想佢送你返屋企
．好想佢送D野俾你，乜野都好
．成日留意佢既言行舉止，睇下佢係咪對你有野
．.若果見到佢同異性傾計果陣，你會想知佢地會傾D乜
．成日發夢都夢見佢
．若果發覺大家著左D好襯既衫，你會心裡暗叫「妙﹗」
．不斷打聽佢既拍拖歷史
．趁佢背住你果陣，即時猛望佢背脊
．響手機度禁佢個名或者佢D相出黎睇
．同佢既FRIEND變得好FRIEND
．成日去佢經常出沒既地方留連
．SEND SMS之前之後都會不斷返睇自己SEND左乜野俾佢
．主動借D書、碟俾佢，製造再見既機會
．就算佢響你隔離，你都會成日掛住佢
．行街見到佢鍾意既野都會有奇妙既感覺
．就算你有幾唔得閒都會應承佢出去
．用133打俾佢，佢一「喂」就即刻收線
．無情情想嗌佢個名
．唔敢走去佢附近
．會深入研究佢所有喜歡既野（就算自己一D興趣都無）
．好想講自己既野俾佢聽
．佢講乜野你都會信
． 見到佢父母會特別拘謹
．講野前會PLAN定一大輪
．會記住晒佢鍾意食咩呀、唔鍾意食咩呀，諸如此類
．經過佢屋企時候會望上去或者響下面停一停
． 一起身張開眼就會即時諗起佢
．製造無理要求，睇佢有乜野反應
． 想知佢鍾意邊一類型既女仔
．佢做任何衰野都會幫佢搵藉口
．不論內容係乜，SAVE晒佢俾你既SMS
．做垃圾婆，總之任何關於佢既野都要KEEP
． 會響紙上面不停寫佢個名
．成日自己估人地對你有無野
．每次就算有正經事搵佢，都會自己緊張一番
．想佢欠你D野（反而佢還左俾你會唔舒服）
． 佢一講野果陣就豎起耳仔，但係又扮成唔係聽佢講野
．好想度下佢高你幾多
． 同FRIEND講起佢果時，會用花名或暗號
．搵機會同佢合照
．會刻意同佢鬥嘴
．若果佢讚你靚果陣就會KEEP住呢個LOOK
．人地講佢壞話既時候絕對唔會加入
．同朋友講起佢既時候會覺得好爽
．搵機會度下佢隻手大過你隻手幾多
．CHECK下自己星座同佢夾唔夾（尤其響網上成日玩配對）
．佢生日既時候，唔會買一D人人都知道佢鍾意既禮物俾佢
．想見佢，但係見到佢又會覺得好辛苦
．同佢講野時候會壓制自己既面部表情（反而搞到個樣唔知想點）
． 許親願同玩親乜野占卜都係同佢有關既
．同佢搭巴士果陣扮訓著
．搣花瓣
．唱K果陣扮晒話無男/女仔陪你唱合唱歌，逼佢同你唱
．送野俾佢唔留名
．覺得若果同到佢拍拖，一定會好幸福（就算佢同你唔熟）
．覺得大家都OK襯既（就算身邊人人反對）
．連續打兩個乞嚏就覺得「佢一定係掛住我」
．少少野就話自己好唔舒服，睇佢有乜反應
．同佢去完街返屋企會勁重溫同佢相處既片段、說話等
．著得靚果日，好想響街上撞到佢
．佢借D小野俾你，你都會KEEP起佢唔還
．對佢特別小氣
．特登俾佢知道你有人追
．經常對自己既言行舉止好後悔
．人地問你係咪鍾意佢，你會答「痴線﹗」
．如果你一路睇/聽呢段野一路諗起一個人既時候…啊~你鍾意左佢﹗

暗戀一個人..會成日諗起佢..
上緊堂果時..會成日望住佢..
同佢講野..你會怕醜..塊面紅晒
佢整親..個心會好痛'

暗戀一個人，你會不自覺經常留意他，做出很多不經意但都是為他好的事。當他單獨跟異性談話，你就總覺得不知為何地不開心。
而且個人會好想接近他，但又不敢正視他或對住他卻很不自然; 但回到家中又很回味大家的接觸。