有關考會考的問題...

你好
首先講番一樣野，會考到而家都有ge.
會考幾時冇呢？2009~2010學年ge F.5 同學應該就係最後一年ge會考考生
repeat 唔係一個大問題，我識好多人，亦都知道好多人會o係第一年失手，之後repeat再接再厲
我亦都見過，聽過，同埋o係呢個知識平台上面比過多年冇讀書ge人，同你一樣都係o係一段時間之後想考番會考。所以就算你遲左兩年，問題都唔大，唔大ge
最大問題係，你有冇心機啦？你ge資質啦(我唔係話任何人，而係真係有d人想讀但讀唔入腦，呢個之後再講)？同埋你讀書ge配套(例如有冇人可以o係你repeat ge一年or 兩年教你少少野呢? 有冇補習? 之前讀過ge基本概念你記得幾多?...)
o係資質呢個層面，我之前亦提出過類似意見，你之前會考比較差係咩原因？係o係o個時冇心機讀定真係讀唔入腦？呢方面唔多講，可以參考番http://hk.knowledge.yahoo.com/question/question?qid=7008030102837　當然作用可能唔係咁大啦
如果你要repeat ge 話，尤其是你冇讀兩年書，最緊要首先有人教番你課程入面ge野，什至係教你應試技巧，不論你出去補習社定還是係你d朋友師兄弟姊妹，呢個都係必須ge
不過如果話o係邊間(學校)作為repeat場地，我覺得．．．冇
我覺得你學完之後自修仲好．首先，雖然自修生報考係好貴，但點都唔會貴過半年學費另加考試費掛?!　第２，如果你唔係極度唔識自律，自修比起日日番學更好，因為你每日都可以早起身，再o係一個好靜ge環境(屋企，圖書館，自修室...)自己溫書，唔係更好咩？

最後，你問到o係邊d學校報讀你所列ge課程，我對呢方面了解唔深，不過如果你唔諗住去讀IVE 的話，我覺得你可以考慮一下　香港傳藝中心　(網址：http://www.cac.edu.hk/)　，我有好幾個同學會考之後都入左去讀，有一個都同你一樣想揀翻譯(佢係入左ge)，我知道佢會考普通話係C左ge...中英文就唔清楚...(當然入讀要求你最好上網check一下or問人or打去問一問啦)...不過如果語文能力唔係咁好呢...都唔太建議你去讀其他語言
不過我相信會為你ge目標奮鬥ge，加油！