成長問題...似自閉...沒人傾訴

看到你的問題，讓我覺得有點像我以前既自己。
我唔可以因此話我好了解你既處境，始終，每個人既故事都唔同。不過我相信，你所欠缺既係：認同、支持和鼓勵。

你話你害怕做任何事，怕別人眼光，係因為你對自己無信心。甚至別人既一個目光，都會覺得係歧視既眼光（我以前就係咁）。不出街，不失為一個辦法（但係太過於斬腳趾避沙蟲！）問題當然要正視，但單靠你一人之力（尤其你現在未有足夠自信），係好困難既。

所以我想問你，你有無朋友（或網友／ＭＳＮ朋友？）如果有，可以找佢地傾訴，如果你唔知如何做，我地可以另外討論下。如果無，咁就當然係去識啦。你可以找你生活圈子既人去認識，例如同學／同事...等。如果你唔係讀緊書又無野做緊，咁，我強烈建議（其實係一定要）你找份工作做。人工都唔係問題了（偉大Ｄ既，可以去做義工），最重要反而係：至少要有個家庭以外既生活圈子呀！當你識到朋友，或者開始同朋友傾訴，慢慢地，你會知道自己需要Ｄ咩，有咩長處，有咩短處，也會對自己愈來愈了解，咁你就可以再考慮如何改善自己既不足，你就會愈來愈有自信咖啦！

至於要得到朋友既支持和認同，你就先要為朋友付出相同既野，你要多Ｄ關心別人所需，用心地聆聽佢地既說話，咁，人地就會咁樣對返你。

心事一定要找人傾訴，唔好屈係心入面，因為屈係心裡只會令煩惱更煩，如果真的無路訴，除左社工係個好方法，將佢寫係日記都係好方法，我曾經聽別人教過咁做，果時我都好down，寫日記真係可以令自己更容易放低唔開心既野，等到過了好耐之後再睇，因為事過境遷，唔會再覺得唔開心之餘，又會睇到自己係成長左，我自己就覺得呢個方法唔錯。

我都有過極度低沉既一段長日子，在學校幾乎無朋友；在家只有吵架，家無寧日，甚至數度因為不想回家，在公園露宿到天光，就算有人來殺死我都無咩所謂。我唔係想話我好慘呀咩咩咩呀...而係想話，我而家都變得好好呀，而且我都無做Ｄ咩丫，除左寫日記好有幫助，我覺得我係因為出來做野後，睇野多左，留意到好多人情況比自己更壞。我開始懂得知足同珍惜，所以我覺得現在開朗左好多。

而你話你咩都唔識做，咁我想問問你，你有無咩興趣？唔好以為興趣就無用，只要你願意，你可以係你既興趣裡面搵到好多學問。不過你最緊要既，係要對自己有最基本既了解，否則根本無方向去做任何事。

好了，到最後，請不要再自怨自艾了，２０歲，好年輕丫，雖然而家你既工作或者短期內都唔係理想工作，但係更重要既係你放得低自己，唔怕辛苦，唔怕蝕底，你好快可以重新振作。

ＰＳ：如果講得唔清楚，你可以寫信給我呀～thx

任何一個人都會有佢既好既野,同埋壞既野;點解你會咁既呢?咁係因為你成日掛住你d衰野,跟本就唔肯放開自己,其實,你唔係冇社交能力,只你太過怕羞啦!

你因為太過在意人地點樣睇你,如果係咁既話,你會好辛苦,而呢d壓力唔係人地俾你架,係你自己俾你自己架!解鈴還須{係}鈴人,係你令到你自己唔開心既源頭,梗係要你自己去化解呢一個障礙啦!

其實我覺得社工唔會係你最好既選擇,最好既方法就係你自己去明白,自己去了解多d自己!

同埋最重要既係,你行到出街個時,你後背,你頭上,你身體任何一部份都唔會顯示或者印住你既家庭背景同埋你既過去,所以係冇人會知道你既野架!

有興趣交個朋友
我的MSN
[email protected]

日記 http://blog.pixnet.net/chennyiu