請問汽車偈油可行幾多英哩

我諗你所講嘅偈油係類似Mobil旗下嘅全合成Mobil 1Extended Performance(15000英里), 半合成嘅Mobil Clean 7500 (7500英里), 同非合成Mobil Clean 5000 (5000英里). 呢D偈油其實內含一D清潔劑, 可以解除某D引擎偈油內嘅雜質, 同埋令呢D雜質容易D積聚喺個oil filter入面, 唔好跟番D偈油喺引擎入面不斷游走
歐洲車如BMW, 本身電腦可以因應駕駛者習慣同行車程況(會唔會成日比大油, 轉數穩唔穩定, 多唔多高轉行車, 多唔多stop-and-go traffic如塞車等), 以計算要行走幾多里先換一次油. 通常一般普通駕駛(美國)都可以行12000英里先換. 但係如果夠一年而未到計算里數, 行車電腦都會叫你去check車換油
但係人地BMW副engine(3系直六引擎)用成8 quart偈油, 個oil filter又超大, 又用全合成偈油, 當然可以頂耐D. 98年Corolla (如果你係講番你其他問題嘅同一架車)嘅1ZZ-FE引擎用3.7 quart偈油, 少成半, 我唔會建議駁咁盡
而且你計番, Mobil 1全合成偈油喺Wal-Mart賣成差不多$5一個quart, Mobil 1 Extended Performance仲要貴多$1. 普通大牌子嘅偈油都係個幾有一quart. 如果你除番條數, 每三千咪換普通偈油一次, 唔計時間成本, 其實打個和.
其實都要睇番你駕駛環境同習慣. 你話你行車咪數高. 如果你長期都係喺interstate或highway行車, 75 mph下, 冇乜塞車, 而唔會經過地盤(引擎會吸入沙塵), 又唔會載重嘢或拖重嘢, 而一個月行到1500至2000咪嘅話, 咁其實真係算高咪數, 可以考慮5000咪先換都得.
或者你試吓我嘅做法(我本身有一架車用全合成, 一架用半合成, 一架用普通油). 因為一般係萬五咪做一次中service, 三萬做一次大service, 咁我就將15000除以四, 即係每3750 miles換一次偈油.
出面一般換偈油都係美金二十幾蚊一次, 可以係對架車最平嘅保障. Corolla 唔需要用貴偈油嘅. 喺美國揸揸吓車拋錨都幾煩. 呢D錢唔慳得嘅.

圖片參考：http://www.mobiloil.com/USA-English/MotorOil/Images/Products/M1EP10W30_top.gif

合成機油(價錢最高)可行五千公里或使用半年。半合成機油及環保機油可行2500公里或使用三個月。這只是一般機油資料之指示。但個人認為可觀察機油狀況來決定，通常在超出機油指示使用期限後就要經常在開車前檢查機油，如果發現機油變質(可留起一些未入引擎之機油作比較，觀察顏色、通透度及雜質來決定)，就要立刻更換。
如果機油變質，引擎之潤滑就降低，容易溫度升高，以至燒毀引擎。