(大學面試) 女裝白色西裝入邊襯咩色既衫好?? (下身係黑色西裙)

首先想問你係interview邊一類既課程?
基本上除左商科(包括BBA,會計,市場學等等)之外, 其他既課程其實都唔要求一定著套裝
(如果你著左反而仲怪o添...)
而一般大學既商科學生, 佢地既基本要求係著黑色套裝
呢d科目想比人專業既感覺, 而黑色就夠穩陣夠保守夠「權威」, 係一個專業形象最基本既顏色!
所以著白色真係唔好架...太唔formal喇!
所以你最好著返件黑色既西裝外套喇~!^^
如果你唔想咁成熟既, 入面既裇衫唔好揀d高領、太多喱士同打褶既款
揀d設計簡單線條俐落既款式, 最好加埋有修腰啦, 咁睇上去就會smart得黎唔會太成熟喇!
而鞋方面基本上唔好著平底, 點都要有少少跟~! 不過著唔慣既唔駛夾硬著太高, 1吋左右已經ok~
尖頭款會比較成熟, 你可以揀圓頭同埋個款young d既款
不過想拉長雙腳比例既就唔好揀腳眼位有帶果d喇!
另外就係著suit既其實都講total look...你最好著返對薄既黑色絲襪襯返~
化妝方面, 唔想感覺太女人太成熟既, 就最好唔好用紫、藍呢d色
粉紅、粉綠都會比較後生同清新, 但又唔會太誇張既顏色
當然啡色系係百搭色, 都一樣可以用啦~!
髮型方面整齊就得, 唔須要紮髻架~
紮得太緊會好老~~~ 紮高高既髻或者鬆既髻就感覺太casual
所以用定型同髮夾整好個頭整整齊齊基本上就得架喇~

2008-03-17 22:02:49 補充：
你in旅遊?
講真...你去d旅行社睇下佢地既職員...都一樣係著suit
咁係因為佢地要比人專業既感覺
而家你入面既裇衫係天藍色呢d比較鮮少少既色,其實都唔算係太formal喇...
我都係會建議你著返件淨色既黑色西裝外套
咁樣會成個形象都會pro好多
你著套頭線衫唔係唔得, 不過個感覺真係會差dd囉
只係似普通OL...
如果你真係要著既, 就著返件深色d既, 黑色深藍色深灰色, 咁會好d
揀既時候一定要合身, 唔好太長或者太鬆, 否則都只會令人覺得你個人「烏waer」唔認真

2008-03-17 22:02:58 補充：
同埋, 冇錯呢d interview都係唔會硬性規定你要點著
不過你要自己醒目
讀得大學都已經係成年人
人地唔會再好似中學小學咁乜都「餵」你架喇

2008-03-24 22:02:27 補充：
其實中袖都可以呀! 又唔會太熱
都唔會好唔formal
唔錯架喇~! ^^

專營女裝度身訂造OL套裝 $480元起(套)，西裙，西褲，女裝Suit，恤衫，連身裙，伴娘裙...(歡迎來圖訂造)

如有任何查詢，歡迎瀏覽 :
www.din-tailormade.com
或電郵致 :
[email protected]

九龍旺角西洋菜街兆萬中心6樓603A舖 (中南文具對面)

查詢電話 : 9137 2870 (歡迎預約時間)

營業時間 : 3:00 pm - 10:00pm

其實好少會著白色西裝去面試架，因為通常白色係西方只有兩個埸合著o既，一係白事一係紅事，而香港都普遍係甘認為！而你話著白色令到自己無甘成熟，呢個想法都係唔太正確o既！仿且大學面試，我都係建議你著番黑色la，若果你係想唔甘成熟，你可以係個妝或者個髮形著手，不過大學面試俾到人一個成熟o既印象係好事o黎架！不過若果你堅持要著白色西裝，我會建議你成套都係白色，唔好下身黑，上身白law，有o的不倫不類o既感覺！白色西裝，我會建議你可以襯番深色o的係內面，最好係令身果o的，紫色深粉都可以！不過真係強烈建議唔好著白色，唔會俾到人無甘成熟o既形象架，唔洗諗la！著番黑色，內面襯緊淡色o的o既，底衫唔好深色果件襯衫，個bra唔好透埋出o黎，淡淡地化個粉底，搽少少唇膏(有色潤唇膏都得)，甘都好夠架la，甘樣係最正式o既面試look！注意：對鞋唔好太高，切忌買任何新o野面試，一個唔適應就煩架la！最好可以舒舒服服甘去面試，甘就可以表現到自己最好一面，！

白色西裝好似比較怪
多數人會選擇穿黑色西裝裏面穿黑色襯衫或白色襯衫
西裙不要有直間可能會好一些。