關於...爭取撫養權之求情信 , ThAnkS !!

得罪講句：無用架，算罷啦。

法官在爭取撫養權的案件中，99.9999999% ( 我始終唔係法官，唔敢講100% ) 會先傳召福利官報告，由社署派員作資料搜集及評估，睇下到底父或母之中，邊個更適合照顧小朋友。福利官會分別會見雙方及其家人，問明一切資料及個人意願，再以報告型式轉達比法官知。一般情況下，法官都會接納福利報告的建議。

咁你諗下：有乜野係你只可以同法官講而唔可以同福利官講的？又有乜野係只有法官先明而福利官唔明的？法官就係唔想聽是但一方的一面之詞先叫福利官查下遮，下馬？

離婚係大人既事，盡量唔應該損害小朋友的利益，所以撫養權的基本考慮點是：由誰照顧小朋友會對小朋友最有利。

做得人老豆老母，邊個唔錫個細路？錫就梗架啦，咁邊個比到最好的生活安排比個細路丫？福利報告通常考慮：

---小朋友的年歲 (越細越應該跟亞媽)

---小朋友的性別 ( 仔跟daddy女跟mammy)

---小朋友個人的意願 ( 3幾歲果d就唔好諗啦)

---父母親的個人財力 ( 呢個唔使解釋啦？)

---離婚原因 ( eg 老豆有外遇，咁就老豆蝕底)

---家人態度與生活安排 ( eg 女方3個亞哥4個亞妹再加父母拍哂心口話幫手睇仔；男方就光棍一條，你做官，比邊個丫？)

誇張d講：亞媽係個千萬富翁，亞爸係個無人無物無樓無錢的地盤佬。跟邊個對小朋友最有利？唔使講啦呱？

所以如果福利報告唔幫你的話，寫求情信唔會有太大意義。

建議：福利官約見家訪時，盡量哂冷，有幾多人、身家、家人支持，通通哂出來。比個好印象福利官，好過你衰左之後再諗求情信，因為已經好難改變報告的內容和法官的看法。

祝好。

三唔識７先生就算是只有0000000.1你也要做你未做過點知唔得啊?~!
我都比人告過偷野啦,佢有埋人睇到啊。但我冇偷媽~我咪係嬴左。
撫養權是一個小朋友的未來要他過得幸福就要睇下他鍾意邊個同佢一齊。
我之前爸，媽都係咁
之前我本來要跟一個唔鍾意的爸，如果我跟一個唔鍾意的爸我日日都想過又３０樓跳下來
但是媽媽又一封求情信嬴我番去
我的命運變左。求情信是一樣很強的物品有你的真心話，<<仔>>，佢有幾重要，係咪重要過你。係，自己的仔係最重要誰都沒有力量拿走他。他想跟誰就跟誰吧沒有人可以拿走另一個人的幸福。說就說到這吧！要看你，自己的仔是沒有人可以拿走就算只有0.00000000000001的機會你都要加油!

我會建議你律師, 當然福利官既報告係因素之一, 但福利官報告有偏差時, 父母可親自作供, 如果有自己一方既律師同你進行一問一答, 對你會有利D. 因為得自己講, 法官會有時唔知你想表達什麼。律師同時可以以第三身幫你表達客觀而又不失主題給法官, 因為我見過好多自辨既人有時成日以為人地知你諗乜, 太情緒化,最後令法官意見偏向另一方意見。 當然你可能話律師貴, 詭人$$, 但你可以揾法援架麻~~ 希望幫到你d啦, 祝你爭取撫養權成功!!