我有精神病,我可以做d咩?

我今年18歲...係12歲果一年...自己本身讀名校,讀書讀到好大壓力,社工帶我睇醫生,話聽唔明我講乜,思想好亂,就話我係思覺失調,跟著我keep住返學...無幾奈變左做躁狂抑鬱症...一直我都唔知自己發生咩事...直到有次入醫院,醫生話我知,我唔識控制自己d情緒,同埋我需要學識減壓,個病先會好.....但已經咁多年...我讀書讀書中三,返下唔返下...最後都退學...日日都好想死...覺得做人好無價值...雖然我依家無再咁諗,可能d藥食左4年都有一d幫助咁啦...
我仲有一d感情問題,原本我d情緒都無咁波伏,自從識左個醫院姐姐,佢都有病,佢d情緒都唔好,成日間唔中都發我脾氣,果陣我又覺得我爸爸媽媽唔了解我...我就成日痴住佢...跟著冇幾耐...同佢一齊多左...佢又誤以為我係同性戀...其實我都有問過醫生我係咪...醫生話我因無人care我...而佢又好似呀媽咁對我好...所以我對佢產生幻想!....
直到目前為止.....我已經無返學好耐...返工都試過,但都係做1-2日就頂唔順,怕見到d同事,同人相處有困難,社工退縮,性格改變左....我唔知我係咪病變......再加上感情前排又有困擾....有個女社工又好好人,陪我覆診.....好似我好朋友...同我拖住手行....我又以為自己鐘意佢...但我其實係想要好朋友多d...因為自從無讀書後,我就再次識唔到朋友同我傾計,唯一都係同d網友吹水.....但一個月前,我個人開始變番之前抑鬱咁,明明好左的,但個人開始諗埋一邊,覺得無人了解自己,自己又再次孤伶伶,我懷疑我感情受傷太厲害,我媽媽是我最緊張的人,但她知我有病,都做唔到d咩,只係見住我日日都咁抑鬱,我唔想自己成世都無野做...過埋d頹生活.....我個人都幾冇自信...一黎沒朋友支持...所以我最錫既係我屋企人...我無咩朋友...我d朋友知我有事,都唔會關心我...不過都係1-2個fd..其他識果d朋友..全部都係精神病康復者,我生活圈子好細,曾經諗過有冇d宿舍中心岩我去...我好想快d重透社會大家庭,我唔需要多...我只要有番正常人精彩既人生...有社交,有團聚,有活動,有歡樂,有朋友,有知識,有感情的世界.......

我本身有信仰的,但我都好少返教會,同祁禱的..
原因我都講..我做野無意志力,無恆心.......

如果有精神科社工....心理學家見到我呢個post...可唔可以幫下我!!