我應該信丈夫同個女人無野嗎?

首先我係男人, 同女友拍拖十年, 因佢屋企問題未結婚, 我有以下睇法:

無錯夫婦間係一定要担白同信任, 但如果你講的係有根據的話, 好明顯你老公之前係想隱瞞過佢同個女人去街, 到你問到佢佢更係話朋友啦, 唔通仇家呀, 唔通講我係姦夫佢係淫婦咁咩, 但朋友做咩唔一早大方咁講比你聽呢,要你問佢先講呢? 你可以話唔洗樣樣野話你知, 但如果佢知道你一旦知道左會唔開心亂諗野, 佢都堅決要去而又堅決唔同你講, 咁佢背後個隱憂都好大喎,
又如果係普通朋友, 做咩用老細過穚騙呃你呢, 佢係咪覺得講出泥你唔會比佢去, 定係佢真係非常非常非常想去, 連仔女都可以唔理, 而去同一個普通女性朋友去睇戲呢?

依個唔係拖唔拖手的問題, 可能個女仔真係當佢朋友, 再者個女仔當佢咩都唔關你事, 因為你無理由有雞仔唔管去理隻麻鷹, 個問題係你老公甘心唔同你地一齊去部個佢口中普通朋友的女人呢?

依加唔係信唔信問題, 係佢依加真係done左一d破壞左誠實同担白既事, 而依d事可以好簡單又可以好大件事, 唔理唔係代表你好信任你老公, 而係你自己選擇比多次機會佢, 比次機會大家, 而自欺欺人當唔知唔理姐, 但一旦d咁既問題, [好多人都會呢d問題], 要好小心, 因毎個男人性格唔同, 有d女人可以用一哭, 二鬧, 三上吊 就搞定, 有d女人可以用再對佢好d, 再偉大d對佢, 當唔知, 到佢比個女人飛左佢就會返泥, 又有d女人當唔知但一日到黑24小時痴到實, 亦有d女人帶仔女走, 要佢一定解釋清楚, 同保證唔會發生先返去, 再有d女人自己扮出去玩, 好似有人溝咁, 等佢驚返緊返, 都有男人受, 但係咪你個男人都受呢?

所以, 唔可以教你用咩方法去處理, 因為唔知你同你老公係咩性格, 唔啱性格有野做出泥, 公信性唔大唔會有效果, 而如果一開始處理得唔好就好大影響,

但首知你一定要同你老公係呢個問題上傾下先, 又唔話質問佢, 但唔可以再比佢耍, 表明佢如果唔解釋清楚, 你會亂諗會唔開心而影響大家感情, 佢都都想你開心架,唔想你唔開心格,

如果佢話你唔信佢, 你可以話 [唔係唔信, 但係佢真係講左大話吖嗎, 你都知道可能佢唔想你唔開心同煩, 但係佢如果唔同你講真話, 咪仲令你亂諗, 夫婦除左信任之外真誠都好重要架, 佢如果用老細打牌做值口, 咁下次真係佢真係老細搵佢, 你會點諗呢?] 真係要平心靜氣解釋,個景況比佢知, 雖然佢咁大個人會知, 但男人受比人多過受比人鬧, 唔好發火, 真係當佢十幾廿歲的後生仔咁泵佢, 泵佢講同知道自己處理得唔好, 你亦可以講一句好多人都會講既金句, 就係[ 我唔係唔信你對係冇野, 但係你咁成日單獨2個人去街, 你會好易比對方唔會架, 你唔好話唔會, 你係女人清楚女人多過佢, 如果因為你對朋友好而令到任何一個女人感情上受傷, 就係佢唔啱啦, 你係男人泥架嗎, 如果你成日同一個男仔單獨出街, 可能男仔都會唔會啦, 但如果搞到咁就無謂啦! 解釋比佢知有之後有咩事, 佢係完全有責任, 唔可以話情不自禁, 因為要禁就係未發生事前禁, 已經有左情咯點禁呀?

傾一定要傾, 但真係好難教你點去傾, 因為唔知你地夫婦之間平時點溝通同講野形式, 因為有一d人夫婦間講咩都一開始就好似鬧交咁, 有d人就講一句第二句就唔想講, ............唉!

試下用你自己方式同佢傾下啦, 但一定唔好鬧交, 就算佢發火你都唔可以, 要平心咁解釋, 因為有d男人如果係一個話題上唔想講或唔夠, 講,就會發皮四等個女人又發皮四, 咁就唔洗講啦, 再之後就泵返個老婆, 女人易泵嗎!

只係自己意見, 但兩個人對對有信心, 係大家互相比到信心對, 唔係單方面自己比信心自己, 咁樣係自我吹眠, 唔諗當唔知就當無, 鴕鳥!

冇事唔好搞事, 有事唔好怕事

首先,唔好去質問個老公,因為咁樣係冇得番轉頭架啦---佢知道妳起疑心,就會開始對妳有抗拒心態.
而且又唔知真定假,就算質問佢,佢答妳冇野,妳都唔會十足十信曬.

假設有個外人話妳聽,佢地真係冇野,妳係唔係一定會信呢?
其實只有妳親身知道成件事,至可以令件事釋疑.
但,同時間我唔讚成妳監視得佢太緊. 假如比佢發現,就迫到佢冇事都變有事......

我覺得,妳要對佢多d溫柔,體貼. 即使佢出面有冇女人都好,妳做好自己,佢自然會番屋企多d.

其實,如果出面有個女人,妳知道係真既話,妳會打算怎樣呢

個男人其實我覺得佢對屋企同妳,都仲係有心的.

睇完戲手都唔拖吓,你老公都啡呢檢點吓,應該唔會有嘢嘅;
咁嘅情況千祈咪發難喳應用妳最溫柔嘅手段令佢感到妳係天下間最好嘅娘子
圖片參考：http://tw.yimg.com/i/tw/ugc/rte/smiley_35.gif

緊係要問啦!!大家担白d攞lee件事出嚟講!就算今次比你唔講出嚟!你個心始終唔舒服,有條刺...講真(大吉利是)下次ヌ比人見到..你ヌ唔問囉喎.又忍......既然你唔開心.咁不如比你老公知你已經知道咗lee件事and佢講大話話唔再見lee個女人...等佢驚下呀嘛!!唉!如果你老公係要變心要走你都留唔住!!要唔要都擺啦!大家女人...我支持你!!

2008-03-15 17:39:33 補充：
有咩講錯.....唔好意思呀.......

咁我就認為如果真係咁既話,你最好應該問清楚,既然事實擺在眼前,你唔可以因為你老公既朋友話冇野就算數,身為老婆,我自己就覺得你最好應該問下佢,睇下佢點答,如果佢話冇野既話未儘管俾一次機會佢,但係如果佢講到口震震又或者前言不對後語既話,咁可能真係有野。千萬唔好自己估估下,估得來自己個心又唔係幾舒服,咁倒不如問下佢仲好,等自己好d。不過點都好啦,我都希望你老公真係冇咩野,而你地兩公婆都可以好番,咩野事都冇啦~希望可以幫到你^^

夫妻之間要互相信任, 我同我老公係因為互相信任先唔驚

2008-03-15 17:26:46 補充：
不過你好應該要佢從實招來, 要坦白