香港係唔係可直飛多倫多北約克的央街,詳細路線係點?

至於搭乜嘢機舒唔舒服都係睇你比幾得起幾多錢啫, 你上去旅行社打吓價就得, 通常都係搭直航比較好啲, 因為唔駛响飛機上咁耐, 最快大約17-8個鐘.

無所謂响邊個時間嚟到多倫多係最好, 因為夜極都係夜晚10點到, 咁就要睇你搭乜嘢航空公司.

多倫多嘅機場叫皮爾遜國際機場 Pearson International Airport.

正常嚟講係冇人行路入市中心嘅, 路程需然唔係遠, 大約30公里, 你揹住啲行李, 比你快極都係行一小時五公里, 咁樣都要行六個鐘頭, 不如搭車好過啦.

你想去北約克的央街有兩個辦法:
1. 响機場搭巴士落地鐵站, 搭地鐵去央街, 全程大約個半小時, 費用五蚊左右.

2. 搭機場的士, 費用40蚊左右 (好耐冇搭過, 應該係咁上下), 全程約30分鐘.

另外香港特區護照嚟加拿大免簽証30日, 如果妳係單身女仔, 最好帶埋工作証名, 同回程機票, 以免移民局懷疑妳來加拿大嘅目的.

由香港去多倫多, 有幾間航空公司選擇...
國泰同加航都有直航既航班... 一般黎講機票都會較為貴... 睇下你幾時搭啦, 如果七八月, 來回都要萬二三架....
另外就有聯合航空(要美國簽證), 大韓(要晌大韓轉機, 去程大約要等六個鐘), 日航等等... 一般都會比國泰平.. 不過就要視乎你有無美國簽證同埋你想唔想要轉機既航班喇....
你將會到達多倫多國際機場... 幾點到就要視乎你搭邊班機.. 有d係下午4點機, 有d就係夜晚10點.. 睇下你選擇咩航空公司....
如果你有香港特區護照, 唔需要任何簽證就可以入境... 但係如果你選擇搭美國航空公司就需要美國簽證... 較麻煩, 睇返你自己既選擇...
希望幫到你啦..