狗狗食的糧

首先，你既BB咁細，係唔適合經常轉糧，
BB仔既腸胃好弱，你要佢不停試新野，佢會唔舒服！


仲有，Hill’s呢個牌子係有好多系列，普通系列（即係唔係處方糧）係有資料顯示佢係對狗嚟講比較咸，而以我所知，佢而家唔係Top 10 ，甚至佢有冇試過係，我都唔肯定！但肯定既係，佢唔係一隻好既糧囉！

不過又咁講，為自己既寶貝揀糧，唔係淨係聽人講佢好定唔好，
而係你自己睇到你既寶貝食完隻糧之後既反應係點！
我屋企既狗都係食Pro Plan ,貓咪食Royal ,好多人都話呢兩隻糧唔好，
但我試過俾所謂十大既天然糧佢地食，佢地反而食得唔好！
所以我繼續食呢兩個牌子！！
你最近食既糧食完你發現咁多問題，咁即係唔適合佢囉！

仲有，你所講想試既新糧，幾好o架！

你同你既寶貝轉糧時，你係一次過就轉晒食新糧嗎？
咁樣係唔好o架喎！因為新舊糧既質素有別，要狗狗突然重新適應新糧，佢腸胃會頂唔住！

你想轉糧，應該係舊糧新糧混合，慢慢將舊糧份量減少，直至舊糧食晒，淨係食食糧囉！

最後，你所謂狗狗周圍痾既問題，佢仲係BB，絕對可以接受佢周圍留味既！慢慢教啦！！

2008-03-15 22:14:36 補充：
唔好意思,頭先打漏字!!

我話:仲有，你所講想試既新糧，(唔係)幾好o架！

廁所塊尿片有好多屎尿佢緊係唔會去啦,其實狗都好鐘意乾淨架,一塊尿片最多有3次尿尿就要同佢換啦,如果唔係佢會搵第個地方尿尿的,我隻bb一家6口都係食hills大的,冇問題喎,仲幾好tim,唔好聽人講咁多啦,最緊要係你隻bb食得好.

其實我個人覺得hill's係一隻好糧,佢係唔係top 10我就不清楚..但佢一定係世界性公認是不錯的糧...當然..hill's不是對每一隻狗也適合...但我覺得大部份狗也可接受...

但有一樣野是肯定的....就是狗仔bb不可亂轉糧的....只是佢食開果隻對佢冇咩特別不好...就由佢食住先吧.....如真的考慮想轉....也是等佢4-5個月後先慢慢轉....另外...轉糧一定要慢慢溝俾佢食....唔可以話轉就轉....因為要俾狗仔的腸胃慢慢接受隻新糧...大約用1-2個星期就可以了...

我有隻史立莎...佢2-6個月時都是係hill's幼犬糧...7個月我轉了hill's 天然羊米幼犬糧俾佢...效果更好...屎屎不嗅...軟硬適中...仲有的是...天然糧羊米食了冇咁肥~

如果你隻狗狗開頭食hill's冇咩問題的話....我支持你轉返hill's俾佢....不過你要慢慢轉....可能要2-3個星期到....少少,少少咁溝俾佢食...因為你的狗狗現在腸胃不太好....

不論你轉咩糧....轉了後...如果狗狗沒特別問題的話...一般都由佢繼續食吧^^

希望可以幫到你啦