AV receiver 嘅 HDMI 有咩作用?

✔ 最佳答案

AV receiver的HDMI輸入輸出係有兩個作用的.
1.作為一個AV selector的作用,好多電視只有一組HDMI輸入,萬一你有多過一件器材有HDMI輸出就會唔夠位駁,有某啲AV receiver會有多過一組HDMI輸入,咁你可以駁晒器材啲HDMI去AV receiver,然後靠佢選擇訊源,可以避免要將啲線插來插去的問題.有啲AV receiver甚至有兩組HDMI輸出,可以俾你揀輸出電視機或投影機.
2.新一代高清聲音格式例如Dolby digital plus, Dolby True HD或者DTS Master Audio等係一定要經HDMI先可以傳送的,舊有的光纖或者同軸不可以傳送.經HDMI線會同時時傳送聲音及畫面俾AV receiver, AV receiver會解碼出聲同時會將畫面訊號傳送俾電視機.
其實經HDMI線入AV receiver又再出翻去電視係會有小小訊號損失的,不過HDMI係數碼傳送會自己更正翻,效果是沒有分別的.但係如果你唔需要以上兩項功能咁仲係直駁電視會好啲.因為曾經有裝機師傅同我講,經AV receiver之後再去投影機由於線材過長試過出唔到訊號,要直駁先得.還說網上有訊號增強器這類物品賣.

回答 (1)