✔ 最佳答案
有d奇怪... 已經決定不去面試 仲要諗有咩後果? 你仲問唔去面試等唔等於放棄, 即係你未想放棄啦, 如果諗住放棄, 根本唔需要問, right?
冇錯程序上, 你唔去面試, 就表示放棄. 如果佢見咁多學生, 都未收滿額, 校方唔會將個學位比一d未面試既人, 佢可以留來比候補名單. 人地成績未必有你咁好, 起碼人地有誠意先啦, 係咪?
面試係兩方面既. 校方睇到你適唔適合佢, 你又睇到學校適唔適合你. 你既然報讀, 梗係開頭對佢有興趣啦, 點解而家有機會比你睇真d, 你又冇興趣去睇下呢?
係唔係因為面試壓力太大, 驚輸唔起? 又唔係好甘心就咁放棄?
在下既意見係: 好歹都去下啦, 可以準備既都準備下啦, 跟住去見時就用平常心, 得就好囉唔得咪算囉. 如果你去, 盡左力, 都唔得既, 都心甘命抵吖. 因為你而家唔去面試, 放棄學位, 將來會唔會後悔放棄左, 冇得番轉頭呢? 仲有, 去到面試, 如果你唔鐘意間學校, 人地收你, 你都仲可以拒絕嘛, 洗乜咁早就打定退堂鼓啫?